കര്‍ണാടക: കര്‍ണാടകയിലെ ബെലഗാവിയില്‍ മകളെ ബലാല്‍സംഗം ചെയ്യാന്‍ ശ്രമിച്ച പിതാവിനെ വെട്ടിക്കൊലപ്പെടുത്തിയ മാതാവ് അറസ്റ്റില്‍. ബെലഗാവി ജില്ലയിലെ ചിക്കോടിക്ക് സമീപമുള്ള ഉമറാണി ഗ്രാമത്തിലാണ് സംഭവം. മകളെ ബലാല്‍സംഗം ചെയ്യാന്‍ ശ്രമിച്ച ശ്രീമന്ത ഇറ്റ്‌നാലെ എന്നയാളെയാണ് ഭാര്യ സാവിത്രി കൊലപ്പെടുത്തിയത്.
മദ്യപാനിയായിരുന്ന പ്രതി ഭാര്യയുമായി നിരന്തരം വഴക്കിടാറുണ്ടെന്ന് പോലീസ് പറയുന്നു. മദ്യത്തിനും ബൈക്ക് വാങ്ങാനുമുള്ള പണം ഇയാള്‍ ഭാര്യയോട് ആവശ്യപ്പെട്ടിരുന്നു. പണം സമ്പാദിക്കുന്നതിനായി ശ്രീമന്ത തന്റെ ഭാര്യയെ മറ്റുള്ളവരുടെ കൂടെ കിടക്ക പങ്കിടാനും നിര്‍ബന്ധിച്ചു .
പിന്നീട് ഇയാള്‍ മകളെ ബലാല്‍സംഗം ചെയ്യാന്‍ ശ്രമിച്ചു. ഗത്യന്തരമില്ലാതെ സാവിത്രി ശ്രീമന്തയെ വെട്ടിക്കൊല്ലുകയും ശേഷം മൃതദേഹം കഷ്ണങ്ങളാക്കി അടുത്തുള്ള കൃഷിയിടത്തില്‍ ഉപേക്ഷിക്കുകയുമായിരുന്നു. മൃതദേഹം കണ്ട നാട്ടുകാര്‍ വിവരമറിയിച്ചതിനെ തുടർന്നാണ് പോലീസ് സാവിത്രിയെ അറസ്റ്റ് ചെയ്തത്.
