തിരുവനന്തപുരം: നിയുക്ത ഗവര്ണര് രാജേന്ദ്ര വിശ്വനാഥ് അര്ലേകര് തിരുവനന്തപുരത്തെത്തി.വിമാനത്താവളത്തില് മുഖ്യമന്ത്രി പിണറായി വിജയനും നിയമസഭാ സ്പീക്കര് എ എന് ഷസീറും മന്ത്രിമാരും ചേര്ന്ന് സ്വീകരിച്ചു.
വ്യാഴാഴ്ച രാവിലെ 10 മണിക്ക് രാജ്ഭവനില് നടക്കുന്ന സത്യപ്രതിജ്ഞാ ചടങ്ങില് ഹൈക്കോടതി ചീഫ് ജസ്റ്റിസ് നിതിന് മധുകര് ജാംദാര് ഗവര്ണര്ക്ക് സത്യവാചകം ചൊല്ലികൊടുക്കും. ഗോവ ഗവര്ണര് പി എസ് ശ്രീധരന്പിള്ളയുമായി ഗോവ രാജ്ഭവനില് രാജേന്ദ്ര അര്ലേകര് രാവിലെ കൂടിക്കാഴ്ച നടത്തിയിരുന്നു.
ദീര്ഘകാലം ആര്എസ്എസ് ചുമതലകള് വഹിച്ചിരുന്ന രാജേന്ദ്ര വിശ്വനാഥ് അര്ലേകര് 1989ലാണ് ബിജെപിയില് എത്തുന്നത്.ഗോവയില് സ്പീക്കര്,മന്ത്രി എന്നീ പദവികള് വഹിച്ചു.രാജേന്ദ്ര അര്ലേകര് സ്പീക്കറായിരുന്ന വേളയിലാണ് രാജ്യത്തെ ആദ്യ കടലാസ് രഹിത നിയമസഭയായി ഗോവ മാറിയത്.
