തിരുവനന്തപുരം: മുണ്ടക്കൈ – ചൂരല്മല പുനരധിവാസ പദ്ധതിക്ക് മന്ത്രിസഭയുടെ അംഗീകാരം. സമയബന്ധിതമായി പദ്ധതികൾ നടപ്പാക്കും. ചീഫ് സെക്രട്ടറിയുടെ നേതൃത്വത്തിൽ തയാറാക്കിയ മാസ്റ്റർ പ്ലാൻ പ്രകാരം രണ്ട് ടൗൺഷിപ്പുകളിലായി ആയിരം ചതുരശ്രയടിയിൽ ഒറ്റനിലയുള്ള വീടുകളാണ് ലക്ഷ്യം വയ്ക്കുന്നത്.
പദ്ധതിയുടെ നിര്മ്മാണ ചുമതല കിഫ്ബിക്ക് കൈമാറാനാണ് സാധ്യത. പദ്ധതിയുടെ കരടുരേഖ കഴിഞ്ഞമാസം 22 ന് ചേര്ന്ന മന്ത്രിസഭാ യോഗം ചര്ച്ച ചെയ്തിരുന്നു. തൊട്ടടുത്ത മന്ത്രിസഭാ യോഗം അംഗീകാരം നല്കാൻ തീരുമാനിച്ചെങ്കിലും മുന് പ്രധാനമന്ത്രി ഡോ. മന്മോഹന് സിംഗ്, എം ടി വാസുദേവന് നായര് എന്നിവരുടെ നിര്യാണത്തെ തുടര്ന്ന് കഴിഞ്ഞയാഴ്ച യോഗം ചേര്ന്നിരുന്നില്ല. വൈകിട്ട് 3.30 ന് വിളിച്ചിരിക്കുന്ന വാര്ത്താ സമ്മേളനത്തില് മുഖ്യമന്ത്രി പദ്ധതിയുടെ വിശദാംശങ്ങൾ വ്യക്തമാക്കും.
പുനരധിവാസത്തിന് സാമ്പത്തികസഹായം വാഗ്ദാനം ചെയ്ത സ്പോണ്സര്മാരുമായി മുഖ്യമന്ത്രി ഇന്ന് കൂടിക്കാഴ്ച നടത്തുന്നുണ്ട്. നൂറ് വീടുകള് വാഗ്ദാനം ചെയ്ത കര്ണാടക സര്ക്കാരിന്റെ പ്രതിനിധിയും യോഗത്തില് പങ്കെടുക്കും. 100 വീട് വാഗ്ദാനം രാഹുല് ഗാന്ധിയുടെ പ്രതിനിധിയും കൂടിക്കാഴ്ചയിൽ പങ്കെടുക്കും. രാഹുല് ഗാന്ധിയുടെ പ്രതിനിധിയായി ടി സിദ്ധിഖ് എംഎല്എയാണ് പങ്കെടുക്കുന്നത്.
