ലക്നൗ : ഇന്ത്യയിൽ രാമന്റെയും കൃഷ്ണന്റെയും ബുദ്ധന്റെയും പാരമ്പര്യങ്ങൾ മാത്രമേ നിലനിൽക്കൂവെന്ന് യുപി മുഖ്യമന്ത്രി യോഗി ആദിത്യനാഥ് .
‘ ആറു പതിറ്റാണ്ടായി അധികാരത്തിലിരുന്ന പ്രതിപക്ഷ പാർട്ടികൾ സംഭാലിൽ ഹിന്ദുക്കൾക്കെതിരായ അക്രമത്തിന് നേരെ കണ്ണടച്ചിരിക്കുന്നു.സംഭാലിൽ വർഗീയ കലാപങ്ങൾ ഉണ്ടായിട്ടുണ്ട് . 1947, 1948, 1978 വർഷങ്ങളിൽ നടന്നത് ഭീകരമായ കലാപങ്ങളാണ്. 1978ലെ കലാപത്തിൽ 184 ഹിന്ദുക്കളെ ജീവനോടെ ചുട്ടുകൊന്നു. 1980-1982ൽ കൂടുതൽ കലാപങ്ങളുണ്ടായി, 1990-1992ൽ അഞ്ച് പേർ കൊല്ലപ്പെട്ടു. 1947 മുതൽ സംഭാലിൽ ആകെ 209 ഹിന്ദുക്കൾക്ക് ജീവൻ നഷ്ടപ്പെട്ടു. എന്നാൽ ഇന്ന് സംഭാലിന് വേണ്ടി മുറവിളി കൂട്ടുന്നവർ ഈ ഹിന്ദുക്കളെ കുറിച്ച് ഒരക്ഷരം മിണ്ടിയില്ല.
ഇന്ത്യയിൽ രാമന്റെയും കൃഷ്ണന്റെയും ബുദ്ധന്റെയും പാരമ്പര്യങ്ങൾ മാത്രമേ നിലനിൽക്കൂ, ബാബറിന്റെയും ഔറംഗസേബിന്റെയും പാരമ്പര്യങ്ങളല്ല.മുസ്ലീം ഘോഷയാത്രയ്ക്ക് ഹിന്ദു പ്രദേശങ്ങളിൽ ഒരു ക്ഷേത്രത്തിന് മുന്നിലൂടെ കടന്നുപോകാൻ കഴിയുമെങ്കിൽ, എന്തുകൊണ്ട് ഒരു ഹിന്ദു ജാഥയ്ക്ക് മുസ്ലീം പ്രദേശങ്ങളിലൂടെ കടന്നുപോകാൻ കഴിയില്ല. സംഭാലിൽ സമാധാനം തകർക്കാൻ ശ്രമിക്കുന്നവർ ശിക്ഷിക്കപ്പെടും. ഒരാളെയും വിടില്ല.‘ – അദ്ദേഹം പറഞ്ഞു.
