ന്യൂദല്ഹി :ജമ്മുകാശ്മീരിലെ പൂഞ്ചില് സൈനിക വാഹനം കൊക്കയിലേക്ക് മറിഞ്ഞ് അഞ്ച് സൈനികര്ക്ക് വീരമൃത്യു.നിരവധി സൈനികര്ക്ക് പരിക്കേറ്റു. ഇതില് ചിലരുടെ നില ഗുരുതരമാണ്.
പൂഞ്ചിലെ ബല്നോയ് മേഖലയിലെ മെന്ഥാറിലാണ് അപകടം. സൈനികര് സഞ്ചരിച്ചിരുന്ന ട്രക്ക് 350 അടി താഴ്ചയുള്ള കൊക്കയിലേക്ക് മറിയുകയായിരുന്നു.
11 മദ്രാസ് ലൈറ്റ് ഇന്ഫന്ട്രിയിലെ സൈനികര് ആസ്ഥാനത്ത് നിന്നും ബല്നോയ് ഖോര മേഖലയിലേക്ക് പോകവെയാണ് അപകടം ഉണ്ടായത്. സൈന്യവും ജമ്മു കാശ്മീര് പൊലീസും സ്ഥലത്തെത്തി രക്ഷാപ്രവര്ത്തനം നടത്തി.ട്രക്കില് 18 സൈനികരാണ് ഉണ്ടായിരുന്നത്.
പരിക്കേറ്റവരെ ആശുപത്രിയിലേക്ക് മാറ്റി.
