കണ്ണൂര് : പൂണെയില് നിന്നും കണ്ണൂരിലേക്ക് ട്രെയിനില് യാത്ര ചെയ്യുകയായിരുന്നുവെന്ന് വീട്ടുകാര് കരുതിയ യുവസൈനികന്റെ അവസാനത്തെ കോള് അമ്മയ്ക്ക് എത്തിയത് ചൊവ്വാഴ്ച പകല് 2.15ന്. അമ്മയെ വിളിച്ച് കണ്ണൂരില് എത്തിയെന്ന് യുവസൈനികന് പറഞ്ഞത്. പിന്നീട് സൈനികനെ കാണാനില്ലെന്ന് കരുതി വീട്ടുകാര് നല്കിയ പരാതിയില് അന്വേഷണം തുടങ്ങിയപ്പോള് ഫോണ് ലൊക്കേഷന് പൂണെയില്; ഇതോടെ ചോദ്യം ഉയരുകയാണ്- കാണാതായ മലയാളിയുവ സൈനികന് എവിടെ?
നാട്ടിലേക്കുള്ള യാത്രയിൽ സൈനികനെ കാണാതായെന്നാണ് പരാതി. പൂണെയിലെ ആര്മി സപ്പോര്ട്ട് ഇന്സ്റ്റിറ്റ്യൂട്ടില് നിന്ന് അവധിയെടുത്ത് നാട്ടിലേക്ക് പുറപ്പെട്ട സൈനികനെയാണ് കാണാതായതെന്ന് പറയപ്പെടുന്നു. കോഴിക്കോട് എരഞ്ഞിക്കല് കണ്ടംകുളങ്ങര ചെറിയകാരംവള്ളി സുരേഷിന്റെ മകന് വിഷ്ണുവിനെയാണ് കഴിഞ്ഞ ബുധനാഴ്ച മുതല് കാണാനില്ലെന്ന് കാണിച്ച് ബന്ധുക്കള് പൊലീസില് പരാതി നല്കിയത്. അവിധി ആയതിനാല് നാട്ടിലേക്ക് വരികയാണെന്ന് തിങ്കളാഴ്ച വിഷ്ണു അമ്മയെ വിളിച്ച് അറിയിച്ചിരുന്നു.
രാത്രി വൈകിയും കാണാഞ്ഞതിനെ തുടര്ന്ന് ഫോണില് ബന്ധപ്പെടാന് ശ്രമിച്ചെങ്കിലും സ്വിച്ച്ഡ് ഓഫ് ആയിരുന്നു. പിന്നീടാണ് എലത്തൂര് പൊലീസില് പരാതി നല്കിയത്. കുടുംബത്തിന്റെ പരാതിയിൽ പൊലീസ് കേസെടുത്ത് അന്വേഷണം ആരംഭിച്ചു.
