ഛണ്ഡീഗഢ്: ഹരിയാന മുന് മുഖ്യമന്ത്രിയും ഇന്ത്യന് നാഷണല് ലോക്ദള് അധ്യക്ഷനുമായ ഓം പ്രകാശ് ചൗട്ടാല അന്തരിച്ചു. ഗുരുഗ്രാമിലെ വസതിയില് വെച്ചായിരുന്നു അന്ത്യം. 89 വയസ്സായിരുന്നു.
നാലു തവണ ഹരിയാന മുഖ്യമന്ത്രിയായിരുന്നിട്ടുണ്ട്. ജോലി തട്ടിപ്പുമായി ബന്ധപ്പെട്ട് ചൗട്ടാലയെ കോടതി ശിക്ഷിച്ചിരുന്നു. ഇതേത്തുടര്ന്ന് ഒന്പതര വര്ഷത്തോളം തിഹാര് ജയിലില് തടവില് കഴിഞ്ഞിട്ടുണ്ട്. 2020 ലാണ് ചൗട്ടാലയെ ജയില് മോചിതനാക്കുന്നത്.
രാഷ്ട്രീയ നേതാക്കളായ അഭയ് ചൗട്ടാല, അജയ് ചൗട്ടാല എന്നിവര് മക്കളാണ്. ഓം പ്രകാശ് ചൗട്ടാലയുടെ ചെറുമകന് ദുഷ്യന്ത് ചൗട്ടാല ഹരിയാനയില് മനോഹര് ലാല് ഖട്ടറിന്റെ നേതൃത്വത്തിലുള്ള ബിജെപി സര്ക്കാരില് ഉപമുഖ്യമന്ത്രിയായിരുന്നു.
മുന് ഉപപ്രധാനമന്ത്രി ചൗധരി ദേവിലാലിന്റെ മകനാണ് അദ്ദേഹം. 1935 ലാണ് ഓം പ്രകാശ് ചൗട്ടാല ജനിച്ചത്.
