ന്യൂദൽഹി : ജയ്‌ഷെ മുഹമ്മദ് തലവൻ മസൂദ് അസ്ഹർ അടുത്തിടെ ബഹവൽപൂരിൽ ഒരു പൊതുസമ്മേളനത്തിൽ പ്രസംഗിച്ചതായി റിപ്പോർട്ട് പുറത്തുവന്നതിന് പിന്നാലെ തീവ്രവാദിക്കെതിരെ പാകിസ്ഥാൻ ശക്തമായ നടപടി എടുക്കണമെന്ന് ഇന്ത്യ ആവശ്യപ്പെട്ടു.
റിപ്പോർട്ട് ശരിയാണെങ്കിൽ തീവ്രവാദ പ്രവർത്തനങ്ങൾ ഉൾക്കൊള്ളുന്നതിൽ പാകിസ്ഥാന്റെ ഇരട്ടത്താപ്പാണ് ഇതിലൂടെ തുറന്നുകാട്ടുന്നതെന്ന് വിദേശകാര്യ മന്ത്രാലയം (എംഇഎ) വക്താവ് രൺധീർ ജയ്സ്വാൾ പറഞ്ഞു.
” അസ്ഹറിനെതിരെ ശക്തമായ നടപടി സ്വീകരിക്കണമെന്നും അദ്ദേഹത്തെ നിയമത്തിന് മുന്നിൽ കൊണ്ടുവരണമെന്നും ഞങ്ങൾ ആവശ്യപ്പെടുന്നു. അയാൾ പാക്കിസ്ഥാനിലുണ്ടെന്ന കാര്യം നിഷേധിക്കപ്പെട്ടിട്ടുണ്ട്, എന്നാൽ ഈ റിപ്പോർട്ടുകൾ ശരിയാണെങ്കിൽ അത് പാകിസ്ഥാന്റെ ഇരട്ടത്താപ്പാണ് തുറന്നുകാട്ടുന്നത്. ഇന്ത്യയ്‌ക്കെതിരായ അതിർത്തി കടന്നുള്ള ഭീകരാക്രമണങ്ങളിൽ മസൂദ് അസ്ഹറിന് പങ്കുണ്ട്, അയാൾക്കെതിരെ ശക്തമായ നടപടി സ്വീകരിക്കണമെന്ന് ഞങ്ങൾ ആഗ്രഹിക്കുന്നു,” – ജയ്സ്വാൾ പറഞ്ഞു.
തന്റെ പ്രതിവാര മാധ്യമ സമ്മേളനത്തിലെ ചോദ്യത്തിന് മറുപടിയായാണ് ജയ്സ്വാൾ ഇക്കാര്യം പറഞ്ഞത്.
