പട്ന : ഹണിമൂണിനായി ഖത്തറിലേക്ക് കൊണ്ടുപോയ ഭാര്യയെ ഷെയ്ഖിന് വിറ്റതായി പരാതി . ബിഹാറിലെ പട്നയിലാണ് സംഭവം . ഭർത്താവ് ഷഹബാസ് ഹസനെതിരെയാണ് പരാതി .
2021ലാണ് ഷഹബാസ് ഹസനെ യുവതി വിവാഹം കഴിച്ചത്. യുവാവ് വൈദ്യുതി വകുപ്പിൽ സർക്കാർ ജീവനക്കാരനാണെന്നാണ് വീട്ടുകാരോട് പറഞ്ഞിരുന്നത്. ഇതിനിടെയാണ് ഭാര്യയെ ഷഹബാസ് ഹണിമൂണിനായി ഖത്തിലേയ്ക്ക് കൊണ്ടുപോയത് .
അവിടെ ഷെയ്ഖിൽ നിന്ന് 10 ലക്ഷം രൂപ കൈപ്പറ്റി യുവതിയെ ഖത്തറിലെ ഷെയ്ഖിന് വിറ്റു. ശേഷം യുവതിയെ ഉപേക്ഷിച്ച് നാട്ടിലെത്തിയ ഷഹ്ബാസ് ഭാര്യയെ തപാൽ വഴി മുത്വലാഖും ചൊല്ലി.
പിന്നീട് പോലീസിന്റെ സഹായത്തോടെ യുവതി ഇന്ത്യൻ എംബസിയുമായി ബന്ധപ്പെടുകയും അവരുടെ സഹായത്തോടെ സുരക്ഷിതമായി ഇന്ത്യയിലെത്തുകയും ചെയ്തു.തുടർന്ന് ഭർത്താവിനും , ഭർതൃമാതാവിനെമെതിരെ ദിഘ പോലീസിൽ പരാതിയും നൽകി.
