കൊല്ലം: ഭര്‍ത്താവിനൊപ്പം ഇരുചക്ര വാഹനത്തില്‍ സഞ്ചരിച്ച യുവതി ബസിനടിയില്‍ പെട്ട് മരിച്ചു. കരുനാഗപ്പള്ളിയിലേക്ക് പോവുകയായിരുന്ന സുനീറ ബീവിയാണ് മരിച്ചത്.
വ്യാഴാഴ്ച വൈകിട്ട് 6.30 ഓടെയാണ് അപകടം നടന്നത്. ഭര്‍ത്താവിനൊപ്പം ഇരുചക്ര വാഹനത്തില്‍ സഞ്ചരിക്കവെ എതിരെ വന്ന സ്വകാര്യ ബസ് ഇടിക്കുകയായിരുന്നു.
ഇടിയെ തുടര്‍ന്ന് സുനീറ ബീവി ബസിന് അടിയില്‍പ്പെടുകയും വാഹനം യുവതിയുടെ ശരീരത്തില്‍ കൂടെ കയറി ഇറങ്ങുകയുമായിരുന്നു.
ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭര്‍ത്താവിനെ പരിക്കുകളോടെ ആശുപത്രിയില്‍ പ്രവേശിപ്പിച്ചു. സ്വകാര്യ ബസ് അമിത വേഗതയിലായിരുന്നുവെന്ന പരാതിയെ തുടര്‍ന്ന് ബസ് ജീവനക്കാരെ പൊലീസ് കസ്റ്റഡിയിലെടുത്തു.
