കോഴിക്കോട്: സന്തോഷ് ട്രോഫി ഫുട്ബോള് യോഗ്യതാ റൗണ്ടില് കേരളം വിജയത്തോടെ തുടങ്ങി. കോര്പ്പറേഷന് സ്റ്റേഡിയത്തില് നടന്ന മത്സരത്തില് റെയില്വേസിനെ 1-0ത്തിന് കീഴടക്കിയാണ് കേരളം വിജയക്കൊടി പാറിച്ചത്.
പകരക്കാരനായിറങ്ങിയ മുഹമ്മദ് അജ്സലാണ് 71-ാം മിനിറ്റില് വിജയഗോള് നേടിയത്. റെയില്വേസ് പ്രതിരോധത്തിലെ പിഴവ് മുതലെടുത്തു മുന്നേറിയ നിജോ ഗില്ബെര്ട്ട് പന്ത് മുഹമ്മദ് അജ്സലിന് കൈമാറി.
താരം അനായാസം പന്ത് വലയിലാക്കി.മത്സരത്തിന്റെ തുടക്കം മുതല് കേരളം ആക്രമിച്ചാണ് കളിച്ചത്.ആദ്യ ഗോള് പിറന്നതിന് ശേഷം റെയില്വേസ് കിണഞ്ഞ് പരിശ്രമിച്ചിട്ടും ഗോള് നേടാനായില്ല.
