തിരുവനന്തപുരം: ഇ.പി ജയരാജന്റെ ആത്മകഥ ബോംബ് ഒരു തരത്തിലും പാര്‍ട്ടിയെ ബാധിച്ചിട്ടില്ലെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. ഇല്ലാത്ത കാര്യം പ്രചരിപ്പിക്കുകയായിരുന്നു.പാര്‍ട്ടി അന്വേഷണം നടത്തുന്നില്ല.
നിയമപരമായ അന്വേഷണം നടക്കട്ടെയെന്നും എംവി ഗോവിന്ദന്‍ പറഞ്ഞു. ഇപിയെ പാര്‍ട്ടി വിശ്വസിക്കുന്നു. പുസ്തകം പ്രസിദ്ധീകരിക്കാന്‍ ആരേയും ഏല്‍പിച്ചിട്ടില്ല. ഡിസി ബുക്‌സുമായി ഇ പി കരാര്‍ ഉണ്ടാക്കിയിട്ടില്ലെന്നും എം വി ഗോവിന്ദന്‍ പറഞ്ഞു.
സിപിഎം സംസ്ഥാന സെക്രട്ടേറിയറ്റ് യോഗത്തിനുശേഷം സംസാരിക്കുകയായിരുന്നു എം വി ഗോവിന്ദന്‍.
വയനാട്ടിലേത് കേരളം കണ്ട വലിയ ദുരന്തമാണ്. പ്രധാനമന്ത്രി സ്ഥലം സന്ദര്‍ശിച്ച് സഹായം പ്രഖ്യാപിച്ചിട്ടും ഒന്നും കിട്ടിയില്ല. ദേശീയ ദുരന്തമായി പ്രഖ്യാപിച്ചാല്‍ പുനരധിവാസത്തിന് വലിയ സഹായം കിട്ടുമായിരുന്നുവെന്നും എംവി ഗോവിന്ദന്‍ പറഞ്ഞു.
