പാലക്കാട് : വാളയാറില് ഷോക്കേറ്റ് അച്ഛനും മകനും ദാരുണാന്ത്യം.വാളയാര് അട്ടപ്പള്ളം സ്വദേശി മോഹന്, മകന് അനിരുദ്ധ് എന്നിവരാണ് മരിച്ചത്.
വൈകിട്ട് 6.30 നാണ് സംഭവം. കൃഷിയിടത്തില് സ്ഥാപിച്ചിരുന്ന പന്നിക്കെണിയില് നിന്നാണ് വൈദ്യുതാഘാതമേറ്റത്.
അച്ഛന് ഷോക്കേറ്റപ്പോള് രക്ഷിക്കാനുള്ള ശ്രമത്തിനിടെയാണ് മകനും മരിച്ചത്. രണ്ടു പേരുടേയും മൃതദേഹങ്ങള് ആശുപത്രിയിലേക്ക് മാറ്റി. പോസ്റ്റുമോര്ട്ടത്തിന് ശേഷം കുടുംബത്തിന് വിട്ടുനല്കും.
