കോട്ടയം:കനത്ത മഴ മൂലം റോഡില് നിന്ന് തെന്നിമാറിയ സ്വകാര്യ ബസ് കെഎസ്ആര്ടിസി ബസിലിടിച്ചു. കൊടുങ്ങൂരിന് സമീപം പതിനേഴാംമൈലില് ആയിരുന്നു അപകടം.
മുണ്ടക്കയം ഭാഗത്തേക്ക് പോകുകയായിരുന്ന സ്വകാര്യ ബസാണ് മഴയത്ത് തെന്നിമാറി മതിലില് ഇടിക്കുകയും തുടര്ന്ന് കെഎസ്ആര്ടിസി ബസിലിടിച്ച് നില്ക്കുകയും ചെയ്തത്. അപകടത്തില് ബസിലുണ്ടായിരുന്ന ആര്ക്കും പരിക്കില്ല.
എന്നാല് കെഎസ്ആര്ടിസി ബസിന് പിന്നില് ഇടിച്ച് ബൈക്ക് യാത്രക്കാരന് പരിക്കേറ്റു. പതിനേഴാം മൈലിലെ വളവ് തിരിയുന്നതിനായി സ്വകാര്യ ബസ് വേഗത കുറച്ചപ്പോള് റോഡില് നിന്ന് തെന്നിമാറി മതിലില് ഇടിക്കുകയായിരുന്നു.
ഇതോടെ ബസിന്റെ പിന്ഭാഗം വെട്ടിതിരിഞ്ഞ് എതിര്ഭാഗത്ത് കൂടി വരികയായിരുന്ന കെഎസ്ആര്ടിസി ബസിന്റെ മുന്ഭാഗത്തും ഇടിച്ചു. അപകടത്തെ തുടര്ന്ന കെകെ റോഡില് വന് ഗതാഗത കുരുക്കുണ്ടായി . പൊലീസ്് എത്തി തുടര് നടപടികള് സ്വീകരിച്ചു.
