സു​പ്രീംകോടതിയിൽ വേനൽ അവധി ഇനി ഇല്ല; പകരം ഭാഗിക പ്രവൃത്തി ദിനങ്ങൾ

ന്യൂ​ഡ​ൽ​ഹി : സു​പ്രീം​കോ​ട​തി​യി​ൽ ഇ​നി ​‘വേ​ന​ൽ അ​വ​ധി’ ഉ​ണ്ടാ​കി​ല്ല. പ​ക​രം ‘ഭാ​ഗി​ക കോ​ട​തി പ്ര​വൃ​ത്തി ദി​ന​ങ്ങ​ൾ’ ആ​യി​രി​ക്കും ഉണ്ടാവുക. വി​ര​മി​ക്കു​ന്ന​തി​ന് ഏ​താ​നും ദി​വ​സം മാ​ത്രം ശേ​ഷി​ക്കെ, ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡിന്റേതാണ് പുതിയ നിർദേശം.‘അ​വ​ധി​ക്കാ​ല ജ​ഡ്ജ്’ എ​ന്ന സാ​​​ങ്കേ​തി​ക പ​ദം ഒ​ഴി​വാ​ക്കി ‘ജ​ഡ്ജ്’ എ​ന്നാ​ക്കി​യി​ട്ടു​മു​ണ്ട്.

കേ​സു​ക​ൾ അ​നി​ശ്ചി​ത​മാ​യി കെ​ട്ടി​ക്കി​ട​ക്കു​മ്പോ​ൾ മേ​യ് മു​ത​ൽ ജൂ​ലൈ വ​രെ സു​പ്രീം​കോ​ട​തി വേ​ന​ൽ​ക്കാ​ല അ​വ​ധി​യെ​ടു​ക്കു​ന്ന​തി​ൽ വ്യാ​പ​ക വി​മ​ർ​ശ​ന​മു​യ​ർ​ന്നി​രു​ന്നു. ഇ​ക്കാ​ല​യ​ള​വി​ൽ അ​ടി​യ​ന്ത​ര പ്രാ​ധാ​ന്യ​മു​ള്ള കേ​സു​ക​ൾ പ​രി​ഗ​ണി​ക്കാ​ൻ അ​വ​ധി​ക്കാ​ല ജ​ഡ്ജി​മാ​രെ നി​യോ​ഗി​ക്കു​ക​യാ​യി​രു​ന്നു പ​തി​വ്.

ഭാ​ഗി​ക കോ​ട​തി പ്ര​വൃ​ത്തി​ദി​ന​ങ്ങ​ൾ, അ​വ​ധി ദി​ന​ങ്ങ​ൾ എ​ന്നി​വ ചീ​ഫ് ജ​സ്റ്റി​സ് നി​ശ്ച​യി​ച്ച് ഗ​സ​റ്റി​ൽ പ്ര​സി​ദ്ധീ​ക​രി​ക്കും. ഇ​ത് ഞാ​യ​റാ​ഴ്ച​ക​ൾ കൂ​ടാ​തെ 95 ദി​വ​സ​ത്തി​ൽ കൂ​ടാ​ൻ പാ​ടി​ല്ല. നേ​ര​ത്തേ 103 ആ​യി​രു​ന്നു. 2025ലെ ​ഭാ​ഗി​ക കോ​ട​തി പ്ര​വൃ​ത്തി​ദി​നം മേ​യ് 26 മു​ത​ൽ ജൂ​ലൈ 14 വ​രെ​യാ​ണ്.