പത്തനംതിട്ട: വിദേശ ജോലി വാഗ്ദാനം ചെയ്ത് ലക്ഷങ്ങള് തട്ടിയ യുവാവ് പൊലീസ് പിടിയിലായി. തിരുവല്ല കടപ്ര സ്വദേശി അജിന് ജോര്ജിനെയാണ് മാന്നാര് പൊലീസ് പിടികൂടിയത്. നഴ്സിംഗ് വിദ്യാര്ത്ഥികളെയും സ്ത്രീകളെയുമാണ് ഇയാള് പ്രധാനമായും ലക്ഷ്യമിട്ടത്.
സാമൂഹ്യമാധ്യമത്തിലൂടെ പരിചയപ്പെടുന്ന നഴ്സിംഗ് വിദ്യാര്ത്ഥികളെയും സ്ത്രീകളെയുമാണ് കൂടുതലും അജിന് ജോര്ജ് വലയിലാക്കിയിരുന്നത്.പ്രവാസിയായ സാം യോഹന്നാന് നല്കിയ പരാതിയില് തൃശൂര് ഒല്ലൂരില് നിന്നാണ് മാന്നാര് പൊലീസ് ഇയാളെ പിടകൂടിയത്.
സാമിനും ഭാര്യക്കും യു കെയില് ജോലി നല്കാമെന്ന് പറഞ്ഞ് രണ്ട് ലക്ഷം രൂപ അജിന് ജോര്ജ് വാങ്ങിയിരുന്നു. ഒക്ടോബര് നാലിന് മെഡിക്കല് എടുക്കാന് എത്തണമെന്നും പറഞ്ഞു. എന്നാല് പിന്നീട് ഫോണില് ബന്ധപ്പെടാന് കഴിയാതെ വന്നതോടെയാണ് പൊലീസില് പരാതി നല്കിയത്.
എളമക്കര സ്വദേശിനിയില് നിന്നും 42 ലക്ഷം രൂപ തട്ടിയ കേസും ഇയാള്ക്കെതിരെയുണ്ട്. ആലപ്പുഴ, കോട്ടയം, എറണാകുളം, മലപ്പുറം, കൊല്ലം ജില്ലകളിലായി ഇയാള്ക്കെതിരെ കേസുകളുണ്ട്.
