യുസഫലിയുടെ ലുലുവിന്റെ ഓഹരികള്‍ സ്വന്തമാക്കാന്‍ സാധാരണക്കാര്‍ക്കിടയില്‍ വലിയ തിക്കുംതിരക്കും. അതുകൊണ്ട് തന്നെ ലുലു ഓഹരികളുടെ വില്‍പന ആരംഭിച്ച ദിവസം ആദ്യ മണിക്കൂറിനുള്ളില്‍ തന്നെ വില്‍പനയ്‌ക്ക് വെച്ച മുഴുവന്‍ ഓഹരികളും ജനങ്ങള്‍ വാങ്ങാന്‍ തയ്യാറായി എത്തി. വെറും 1.94 ദിര്‍ഹം മുതല്‍ 2.04 ദിര്‍ഹം വരെയാണ് ഓഹരി വിലയുടെ റേഞ്ച്. അവസാനമായി നിശ്ചയിക്കുന്ന വില ഏതെന്ന് നവമ്പര്‍ ആറിനേ അറിയാന‍് സാധിക്കൂ. .
അങ്ങിനെ ലുലുവിന്റെ പ്രാഥമിക ഓഹരി വില്‍പനം ( ഐപിഒ) വന്‍ ആവേശമായി. 12,000 കോടി രൂപ സമാഹരിക്കാന്‍ ലക്ഷ്യമിട്ടായിരുന്നു ലുലുവിന്റെ ഈ ഐപിഒ. എന്തിന് ആകെ വില്‍ക്കാനുള്ള ഓഹരികളുടെ നൂറ് മടങ്ങ് അധിക അപേക്ഷകര്‍ എത്തും എന്നാണ് പ്രതീക്ഷിക്കുന്നത്. യുഎഇയിലെ ഈ വര്‍ഷത്തെ ഏറ്റവും വലിയ പ്രാഥമിക ഓഹരി വില്‍പനയാണ് എം.എ യൂസഫലിയുടെ ഉടമസ്ഥതയിലുള്ള ലുലുവിന്‍റേത്..
നവംബര്‍ അഞ്ച് വരെയാണ് ഐപിഒ. ലുലുവിന്റെ ആകെ ഓഹരികളുടെ 25 ശതമാനമാണ് വില്‍പനയ്‌ക്ക് വച്ചിരിക്കുന്നത്. ഇതില്‍ 89 ശതമാനം ഓഹരികള്‍ നിക്ഷേപക സ്ഥാപനങ്ങള്‍ക്കാണ്. ഒരു ശതമാനം ഓഹരി ലുലു ജീവനക്കാര്‍ക്കായി മാറ്റിവച്ചിരിക്കുന്നു. ബാക്കിയുള്ള ഓഹരികളാണ് പൊതുജനങ്ങള്‍ക്ക് വാങ്ങാന്‍ സാധിക്കുക. ഏറ്റവും കുറഞ്ഞത് 5000 ദിര്‍ഹം മൂല്യമുള്ള ഓഹരികളെങ്കിലും വാങ്ങുന്നവരെ മാത്രമേ പരിഗണിക്കൂ. കുറഞ്ഞത് ആയിരം ഓഹരികളാണ് അപേക്ഷകര്‍ക്ക് ലഭിക്കുക. ജീവനക്കാര്‍ക്ക് 2,000 ഓഹരികള്‍ ലഭിക്കും.
നവംബര്‍ 14ന് അബുദാബി സ്റ്റോക്ക് എക്സ്ചേഞ്ചിലായിരിക്കും ലുലു ഓഹരികള്‍ ലിസ്റ്റ് ചെയ്യും.
