വഴി തെറ്റിയാണ് താൻ ഇസ്ലാമിൽ എത്തിയതെന്ന് നടി ചാഹത്ത് ഖന്ന . ദേശീയ മാദ്ധ്യമത്തിന് നൽകിയ അഭിമുഖത്തിലാണ് മുസ്ലീമായ കാമുകനെ വിവാഹം കഴിക്കാൻ മതം മാറിയതിനെ പറ്റിയും , ഒടുവിൽ സത്യങ്ങൾ മനസിലാക്കി മടങ്ങിയതിനെ പറ്റിയും ചാഹത്ത് ഖന്ന പറയുന്നത് .
2006ൽ വ്യവസായിയായ ഭരത് നർസിംഗാനിയുമായി ആയിരുന്നു ചാഹത് ഖന്നയുടെ ആദ്യ വിവാഹം. എന്നാൽ അത് ഏറെ നാൾ നിലനിന്നില്ല. അതിനുശേഷം 2013ൽ ഫർഹാൻ മിർസയെ വിവാഹം കഴിച്ചു. വിവാഹത്തിനായി ചാഹത് മതം മാറിയിരുന്നു.എന്നാൽ ഈ ബന്ധം 2018 ഓടെ അവസാനിച്ചു.
നിക്കാഹിന് ശേഷം താൻ ഹിന്ദു ദൈവങ്ങളെ പ്രാർത്ഥിക്കരുതെന്ന് ഭർത്താവ് പറഞ്ഞിരുന്നുവെന്നാണ് ചാഹത്ത് പറയുന്നത് . ‘ ഇസ്ലാമിൽ വിശ്വാസം വരാൻ പോലും നാലഞ്ച് വർഷമെടുത്തു . എന്നാൽ എന്റെ വിശ്വാസങ്ങളെ തള്ളിക്കളയണമെന്ന് പറയുന്നത് ശരിയല്ലല്ലോ. ഞാൻ എന്റെ സനാതൻ ധർമ്മ വേരുകളിലേക്ക് തിരിച്ചെത്തിയപ്പോൾ, പല കാര്യങ്ങളുടെയും പിന്നിലെ വലിയ സത്യങ്ങളെക്കുറിച്ച് ഞാൻ മനസ്സിലാക്കി.
കുട്ടിക്കാലത്ത്, നമ്മൾ വഴിതെറ്റിപ്പോകും, ബലഹീനരാകും . എനിക്കും അതുതന്നെ സംഭവിച്ചു. സനാതന ധർമ്മത്തിലേക്ക് തിരിച്ചുവരാൻ എനിക്ക് കുറച്ച് സമയമെടുത്തു. പക്ഷെ ഇന്ന് ഞാൻ സന്തോഷവതിയാണ് ”എന്നും ചാഹത് പറഞ്ഞു.
