വാരാണസി: പ്രധാനമന്ത്രി നരേന്ദ്ര മോദിയെ പ്രശംസിച്ച് കാഞ്ചി കാമകോടി പീഠത്തിലെ ശങ്കരാചാര്യ ശങ്കർ വിജയേന്ദ്ര സരസ്വതി. എൻ ഡി എ സഖ്യം എന്നാൽ, നരേന്ദ്ര ദാമോദർ ദാസ് സഖ്യം ആണെന്നും പ്രധാനമന്ത്രിക്ക് സാധാരണക്കാരുടെ പ്രശ്നങ്ങളെ കുറിച്ചും അതെങ്ങനെ പരിഹരിക്കണം എന്നതിനെ കുറിച്ചും വ്യക്തമായ ധാരണ ഉണ്ടെന്നും അദ്ദേഹം പറഞ്ഞു.
വാരണാസിയിലെ ആർജെ ശങ്കരാ നേത്രാലയത്തിന്റെ ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം. ‘ മോദിയെ പോലെയുള്ള നല്ല നേതാക്കളെ ലഭിക്കുന്നത് ദൈവത്തിന്റെ അനുഗ്രഹമാണ് . നമ്മുടെ രാഷ്‌ട്രം മുന്നോട്ട് കുതിക്കുകയാണ് . ഈ പുരോഗതിക്ക് പിന്നിലെ പ്രധാന ഘടകം ശക്തമായ നേതൃത്വമാണ്. മോദി ചെയ്യുന്ന മഹത്തായ കർമ്മങ്ങൾ ദൈവം കാണുന്നുണ്ട്.എൻഡിഎ’ എന്നാൽ നരേന്ദ്ര ദാമോദർ ദാസ് ക അനുശാസൻ ആണ് . പൗരന്മാരുടെ സുരക്ഷ, , ക്ഷേമം എന്നിവയിൽ ഊന്നിയുള്ള ഭരണം എല്ലാവർക്കും മാതൃകയാണ്.
കോവിഡ് കാലത്ത് പോലും ഇന്ത്യയിൽ പട്ടിണി ഉണ്ടായില്ല . ഈ ഭരണം ലോകരാജ്യങ്ങൾക്ക് പോലും മാതൃകയാണ് .രാജ്യത്തിന്റെ അടിസ്ഥാന സൗകര്യ വികസനത്തിനൊപ്പം സാംസ്കാരിക പുനരുജ്ജീവനത്തിലും സർക്കാർ ശ്രദ്ധ കേന്ദ്രീകരിക്കുന്നുണ്ടെന്ന് ശങ്കരാചാര്യ ശങ്കർ വിജയേന്ദ്ര സരസ്വതി കൂട്ടിച്ചേർത്തു.
