ന്യൂദല്‍ഹി: മോദിയെയും രാജ്യത്തെ വ്യവസായ പ്രമുഖരെയും ചീത്ത വിളിക്കുന്നതിൽ കവിഞ്ഞു ഒരു അജണ്ടയും രാഹുല്‍ ഗാന്ധിയ്‌ക്കില്ലെന്ന് പത്തു വർഷം കേന്ദ്രമന്ത്രിയായിരുന്നു പ്രഫുൽ പട്ടേൽ.
മൻമോഹൻ സിങ്ങിന്റെയും സോണിയ ഗാന്ധിയുടെയും നേതൃത്വത്തിന് കീഴില്‍ യുപിഎ ഭരിച്ചിരുന്ന പത്തു വർഷം കേന്ദ്രമന്ത്രിയായിരുന്നു പ്രഫുൽ പട്ടേൽ. വാര്‍ത്താ ഏജന്‍സിയായ എഎന്‍ഐയുടെ സ്മിത പ്രകാശ് നടത്തിയ അഭിമുഖത്തിലായിരുന്നു പ്രഫുല്‍ പട്ടേലിന്റെ ഈ വെളിപ്പെടുത്തല്‍.
രാഹുല്‍ ഗാന്ധിയെ പ്രധാനമന്ത്രിയാക്കാമോ എന്ന ചോദ്യത്തിനായിരുന്നു പ്രഫുല്‍ പട്ടേലിന്റെ മുകളില്‍ സൂചിപ്പിച്ച പ്രതികരണം. “രാഹുല്‍ ഗാന്ധി ഒരു അരാജകത്വവാദി മാത്രമാണ്. ഒരു ദൗത്യവുമില്ലാത്ത മനുഷ്യനാണ് രാഹുല്‍ ഗാന്ധി. മോദിയെ ചീത്ത വിളിക്കുക എന്നതിനപ്പുറം മികച്ചതെന്ന് കണക്കിലെടുക്കാവുന്ന എന്തെങ്കിലും പ്രസ്താവന രാഹുല്‍ഗാന്ധി നടത്തിയിട്ടുണ്ടോ?”- പ്രഫുല്‍ പട്ടേല്‍ ചോദിക്കുന്നു.
“ജാതി സെന്‍സസ് വേണം, എല്ലാവര്‍ക്കും തുല്യമായി സമ്പത്ത് പങ്കുവെയ്‌ക്കണം തുടങ്ങിയവയാണ് രാഹുലിന്റെ വിചിത്ര പ്രസ്താവനകള്‍. ഇതെന്താ രാജ്യത്തെ ഒരു മാര്‍ക്സിസ്റ്റ് ലെനിനിസ്റ്റ് രാജ്യമാക്കി മടക്കിക്കൊണ്ടുപോവുകയാണോ രാഹുല്‍ ഗാന്ധിയുടെ ലക്ഷ്യം?”.- പ്രഫുല്‍ പട്ടേല്‍ ചോദിക്കുന്നു.
