ഹൈദരാബാദ് : സോമനാഥ് ക്ഷേത്രത്തിനു സമീപമുള്ള അനധികൃത മസ്ജിദുകൾ പൊളിച്ചതിനെതിരെ മുസ്ലീം വിഭാഗം സുപ്രീം കോടതിയിൽ . കലക്ടർക്കെതിരെ മുസ്ലീം വിഭാഗം സുപ്രീം കോടതിയിൽ കോടതിയലക്ഷ്യ കേസ് ഫയൽ ചെയ്തിട്ടുണ്ട്.
എന്നാൽ ഭൂമി കയ്യേറ്റം ഒഴിപ്പിക്കാൻ വേണ്ടിയാണ് ഇവ തകർത്തതെന്ന് ഗുജറാത്തിലെ ഗിർ സോമനാഥ് ജില്ലയിലെ കലക്ടർ ദിഗ്വിജയ് സിംഗ് ജഡേജ സുപ്രീം കോടതിയെ അറിയിച്ചു. ഈ നിർമാണങ്ങളെല്ലാം അനധികൃതമാണെന്നും കലക്ടർ കോടതിയെ അറിയിച്ചു.
ഇസ്ലാമിക നിർമിതികൾ തകർത്തതിൽ സുപ്രീം കോടതി ഉത്തരവ് ലംഘിച്ചിട്ടില്ല. പൊളിച്ചുമാറ്റിയ ഇസ്ലാമിക നിർമിതികളെല്ലാം പൊതുഭൂമി കയ്യേറി നിർമ്മിച്ചതാണ് . കൈയേറ്റം ഒഴിപ്പിക്കുന്നതിനെതിരെ മാത്രമാണ് ഈ നടപടി സ്വീകരിച്ചത്. അത്തരമൊരു സാഹചര്യത്തിൽ, അവ തകർക്കാൻ അനുമതി ആവശ്യമില്ല. ഇത് സുപ്രീം കോടതി ഉത്തരവിന്റെ അവഹേളനമായി വിശേഷിപ്പിക്കാനാകില്ല.
സുപ്രീം കോടതിയെ താൻ ബഹുമാനിക്കുന്നുവെന്നും അതിന്റെ അന്തസ്സിനെ ഒരു തരത്തിലും വ്രണപ്പെടുത്താൻ ആഗ്രഹിക്കുന്നില്ലെന്നും കലക്ടർ പറഞ്ഞു.
