ബുലന്ദ്ഷഹർ ; ടിവി ചാനൽ മാറ്റുന്നതുമായി ബന്ധപ്പെട്ട തർക്കത്തിനിടെ പ്രകോപിതനായ ജ്യേഷ്ഠൻ അനുജനെ കുത്തിക്കൊന്നു.ഉത്തർപ്രദേശിലെ ബുലന്ദ്ഷഹറിലാണ് ഞെട്ടിപ്പിക്കുന്ന സംഭവം
നയാഗോവ് ദാമിദ സ്വദേശിനിയായ അനിതയുടെ മകൻ അഭിഷേകാണ് കൊല്ലപ്പെട്ടത്. സംഭവത്തിൽ അഭിഷേകിന്റെ ജ്യേഷ്ഠൻ ബിട്ടുവിനെ അറസ്റ്റ് ചെയ്തു.തിങ്കളാഴ്ച ബിട്ടുവും അഭിഷേകും തമ്മിൽ ചാനൽ മാറ്റുന്നതുമായി ബന്ധപ്പെട്ട് തർക്കമുണ്ടായി. പെട്ടെന്ന് പ്രകോപിതനായ ബിട്ടു അഭിഷേകിനെ വയറ്റിൽ പലതവണ കുത്തി. അനുജനെ കൊലപ്പെടുത്തിയ ശേഷം കൈയിൽ കത്തിയുമായി ബിട്ടു വീടിന്റെ ടെറസിൽ കയറി.
കത്തിയുമായി ബിട്ടുവിനെ കണ്ടഅയൽവാസികൾക്ക് സംശയം തോന്നി. വീടിനുള്ളിൽ കയറി നോക്കിയപ്പോൾ അഭിഷേകിന്റെ മൃതദേഹം കാണുകയായിരുന്നു. തുടർന്ന് പോലീസിൽ വിവരമറിയിച്ചു. പോലീസ് സ്ഥലത്തെത്തി ബിട്ടുവിനെ അറസ്റ്റ് ചെയ്തു. കൊലപാതകത്തിന് ഉപയോഗിച്ച കത്തിയും കണ്ടെടുത്തു.
