മൊറാദാബാദ് ; ഭർത്താവ് ഫോണിലൂടെ മുത്തലാഖ് ചൊല്ലിയെന്ന് പരാതി . മൊറാദാബാദ് ജില്ലയിലെ താക്കൂർദ്വാര കോട്വാലി സ്വദേശിനിയാണ് ഭർത്താവിനും , ഭർതൃവീട്ടുകാർക്കുമെതിരെ പരാതി നൽകിയത്.
2020 ഒക്‌ടോബർ 11 നാണ് ബിജ്‌നോർ ജില്ലയിലെ സിയോഹാര ഗ്രാമത്തിലെ യുവാവുമായി യുവതിയുടെ വിവാഹം നടന്നത്. എന്നാൽ സ്ത്രീധനം കുറഞ്ഞെന്ന കാരണം കാട്ടി ഭർത്താവും , വീട്ടുകാരും തന്നെ പീഡിപ്പിക്കുകയായിരുന്നു.വീട്ടിൽ നിന്ന് 10 ലക്ഷം രൂപയും കാറും വാങ്ങി നൽകണമെന്നാവശ്യപ്പെട്ടായിരുന്നു പീഡനം.
കഴിഞ്ഞ ഒരു വർഷമായി ഭർത്താവ് സൗദിയിലാണ് താമസിക്കുന്നത് . ഇതിനിടെ ഭർതൃസഹോദരൻ തന്നെ ബലാത്സംഗം ചെയ്തെന്നും യുവതി പരാതിയിൽ പറയുന്നു. എതിർത്തപ്പോൾ തോക്ക് ചൂണ്ടി ഭീഷണിപ്പെടുത്തി. ഇക്കാര്യം ഭർത്താവിനോട് പരാതിപ്പെട്ടപ്പോൾ മൂന്ന് തവണ ഫോണിലൂടെ തലാഖ് പറഞ്ഞ് ഭർത്താവ് വിവാഹമോചനം നൽകി . തുടർന്ന് ബന്ധുക്കൾ യുവതിയെ വീട്ടിൽ നിന്ന് പുറത്താക്കി. പിന്നാലെ യുവതി ഡിഐജിയ്‌ക്ക് പരാതി നൽകുകയായിരുന്നു.
