ഇസ്ലാമാബാദ് : പാകിസ്താനിൽ ഭീകരാക്രമണം . 20 ഓളം പേർ കൊല്ലപ്പെട്ടു . പാകിസ്ഥാനിലെ ബലൂചിസ്ഥാൻ ദുകി ജില്ലയിലെ കൽക്കരി ഖനിയിലാണ് ഭീകരാക്രമണം ഉണ്ടായത് . ആയുധങ്ങളുമായി എത്തിയ ഭീകരർ തൊഴിലാളികൾക്ക് നേരെ വെടിയുതിർക്കുകയായിരുന്നു . നിരവധി പേർക്ക് പരിക്കേറ്റു . ഇവരിൽ പലരുടെയും നില ഗുരുതരമാണ് .
‘ ഒരു സംഘം ആയുധധാരികളായ ആളുകൾ, ആയുധങ്ങൾ ഉപയോഗിച്ച്, ദുകി ഏരിയയിലെ ജുനൈദ് കൽക്കരി കമ്പനിയുടെ നിരവധി ഖനികൾ ആക്രമിച്ചു. ഖനികൾക്ക് നേരെ റോക്കറ്റുകളും ഗ്രനേഡുകളും പ്രയോഗിച്ചു ‘-ക്വെറ്റ പോലീസ് ഓഫീസർ ഹുമയൂൺ ഖാൻ പറഞ്ഞു.സംഭവസ്ഥലത്ത് നിന്ന് രക്ഷപ്പെടുന്നതിന് മുമ്പ് ആയുധധാരികളായ അക്രമികൾ മൈനുകളും യന്ത്രങ്ങളും കത്തിച്ചതായും അദ്ദേഹം പറഞ്ഞു. കൊല്ലപ്പെട്ടവരിൽ ഭൂരിഭാഗവും ബലൂചിസ്ഥാൻ പ്രവിശ്യയിലെ വിവിധ ജില്ലകളിൽ താമസിക്കുന്നവരാണ് . ആക്രമണങ്ങളുടെ ഉത്തരവാദിത്തം ഒരു ഗ്രൂപ്പും ഏറ്റെടുത്തിട്ടില്ല.
