താഷ്കന്റ്: ഫിഫ ഫുട്സാല് ലോകകപ്പില് ബ്രസീലിന് കിരീടം. ഫൈനലില് അര്ജന്റീനയെ പരാജയപ്പെടുത്തിയാണ് ബ്രസീലിന്റെ കിരീടധാരണം. ഒന്നിനെതിരെ രണ്ട് ഗോളുകള്ക്കായിരുന്നു കലാശപ്പോരാട്ടത്തില് ബ്രസീല് വിജയം നേടിയത്. ലോകകപ്പിന്റെ ചരിത്രത്തില് ആറാം തവണയാണ് ബ്രസീല് ഫുട്സാല് ലോകകപ്പ് കിരീടം സ്വന്തമാക്കുന്നത്.
ആറാം മിനിറ്റില് തന്നെ ഫെറാവോയിലൂടെ ബ്രസീല് അര്ജന്റീന വലയില് പന്തെത്തിച്ചിരുന്നു. ഇതിന്റെ ആഘാതം മാറും മുമ്പ് റഫ സാന്റോസിലൂടെ ബ്രസീല് ലീഡ് ഇരട്ടിപ്പിച്ചു. 39-ാം മിനിറ്റില് മാത്യാസ് റോസയിലൂടെ അര്ജന്റീന ഒരു ഗോള് തിരിച്ചടിച്ചെങ്കിലും തുടര്മുന്നേറ്റങ്ങളൊന്നും ലക്ഷ്യത്തിലെത്തിയില്ല. ഇതോടെ ബ്രസീലിന് സ്വപ്ന കിരീടം.
മറ്റൊരു മത്സരത്തില് ഫ്രാന്സിനെ ഒന്നിനെതിരെ ഏഴ് ഗോളുകള്ക്ക് തകര്ത്ത് ഉക്രെയ്ന് മൂന്നാം സ്ഥാനം നേടി.
