മലപ്പുറം: ഡെമോക്രാറ്റിക് മൂവ്‌മെന്റ് ഓഫ് കേരളയുടെ നയ പ്രഖ്യാപന വേദിയില്‍ മുഖ്യമന്ത്രി പിണറായി വിജയനും എഡിജിപി അജിത് കുമാറിനും മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി.ശശിക്കുമെതിരെ പി.വി.അന്‍വര്‍ എംഎല്‍എ ആഞ്ഞടിച്ചു.പൊലീസ് ആസ്ഥാനത്ത് അജിത് കുമാറിന്റെ സംഹാര താണ്ഡവമാണെന്നും എഡിജിപിക്കെതിരെ നടപടിയെടുക്കാന്‍ മുഖ്യമന്ത്രിക്ക് ഭയമാണെന്നും അന്‍വര്‍ പറഞ്ഞു.
തമിഴ്‌നാട്ടില്‍ പോയി ഡിഎംകെയുമായി ചര്‍ച്ച നടത്തി. ഡിഎംകെയുമായി താന്‍ സഹകരിക്കുന്നതിനെ തടയാന്‍ ശ്രമിക്കുകയാണ്. ഫാസിസത്തിന്റെ മറ്റൊരു മുഖമാണിതെന്ന് അന്‍വര്‍ പറഞ്ഞു.
ഡെമോക്രാറ്റിക് മൂവ്‌മെന്റ് ഓഫ് കേരളയുമായി സഹകരിച്ച് പ്രവര്‍ത്തിക്കാന്‍ തമിഴ്‌നാട് മുഖ്യമന്ത്രി സ്റ്റാലിനോട് ആവശ്യപ്പെട്ടെന്നും അന്‍വര്‍ പറഞ്ഞു.
എഡിജിപിയുടെ ഭൂമി ഇടപാടില്‍ 35 ലക്ഷം രൂപ പണമായി നേരിട്ട് കൈമാറി. 100 രൂപ പോലും അക്കൗണ്ട് വഴി കൊടുത്തില്ല. തെളിവുകള്‍ നല്‍കിയിട്ടും നടപടിയില്ല. ഡെമോക്രാറ്റിക് മൂവ്‌മെന്റ്് ഓഫ് കേരള രാഷ്‌ട്രീയ പാര്‍ട്ടിയല്ലെന്നും അന്‍വര്‍ പറഞ്ഞു.
