ആഗ്ര: അധ്യാപികയുടെ നഗ്‌ന വീഡിയോ രഹസ്യമായി പകര്‍ത്തിയശേഷം അതുകാണിച്ച് ലൈംഗിക ബന്ധത്തിന് ഭീഷണിപ്പെടുത്തിയ നാലു വിദ്യാര്‍ത്ഥികള്‍ അറസ്റ്റിലായി.
പത്താം ക്ലാസ് വിദ്യാര്‍ഥിയും മൂന്ന് സുഹൃത്തുക്കളുമാണ് അറസ്റ്റിലായത്. അധ്യാപികയുടെ പരാതിയെത്തുടര്‍ന്നായിരുന്നു അറസ്റ്റ്. ആഗ്രയ്‌ക്ക് സമീപത്തായിരുന്നു സംഭവം. നഗ്നവീഡിയോ വിദ്യാര്‍ത്ഥികള്‍ സോഷ്യല്‍ മീഡിയയില്‍ പോസ്റ്റുചെയ്യുകയും ചെയ്തു.
അധ്യാപിക തന്റെ താമസസ്ഥലത്ത് നാല് വിദ്യാര്‍ത്ഥികളെയും പഠിപ്പിച്ചു വരികയായിരുന്നു. ട്യൂഷന് എത്തിയവരില്‍ ഒരാള്‍ ടീച്ചര്‍ കുളിക്കുന്നതിന്റെ വീഡിയോ പകര്‍ത്തി. തുടര്‍ന്ന് ഇയാള്‍ വീഡിയോ ഉപയോഗിച്ച് ശാരീരിക ബന്ധത്തില്‍ ഏര്‍പ്പെടാന്‍ ബ്ലാക്ക് മെയില്‍ ചെയ്തു.
അധ്യാപിക സ്വയം അകന്നുപോകാന്‍ ശ്രമിക്കുകയും സമ്പര്‍ക്കം തടയുകയും ചെയ്തപ്പോള്‍, വിദ്യാര്‍ത്ഥി തന്റെ സുഹൃത്തുക്കള്‍ക്കിടയില്‍ വീഡിയോ പ്രചരിപ്പിക്കുകയും പിന്നീട് ഇന്‍സ്റ്റാഗ്രാമില്‍ പോസ്റ്റ് ചെയ്യുകയും ചെയ്തു.
വീഡിയോ കണ്ടവരില്‍ ചിലര്‍ അധ്യാപികയെ വിവരം അറിയിക്കുകയും ചെയ്തു. ഇതോടെ മാനസിക സമ്മര്‍ദ്ദത്തിലായ ടീച്ചര്‍ മിഷന്‍ ശക്തി എന്ന സംഘടനയുടെ സഹായത്തോടെ പോലീസ് പരാതി നല്‍കുകയും ചെയ്തു. ഇതോടെ മൂന്നുപേര്‍ പോലീസ് അറസ്റ്റു ചെയ്തു. ഇന്‍സ്റ്റാഗ്രാം പേജ് സൃഷ്ടിച്ച ഒരു പ്രതി ഒളിവിലാണ്.
