ശ്രീനഗര്:മികച്ച പോളിംഗുമായി ജമ്മു കാഷ്്മീര് നിയമസഭ തെരഞ്ഞെടുപ്പിന്റെ ആദ്യഘട്ടം. വൈകിട്ട് ആറ് മണിക്ക് വോട്ടെടുപ്പ് അവസാനിക്കുമ്പോള് 63 ശതമാനം പോളിംഗ് രേഖപ്പെടുത്തി.
മെച്ചപ്പെട്ട പോളിംഗ് ശതമാനം കാഷ്മീര് പുനഃസംഘടനയുടെ വിജയമെന്ന് ബി ജെ പി വൃത്തങ്ങള് വെളിപ്പെടുത്തി.എന്നാല് കേന്ദ്ര സര്ക്കാര് നടപടികളോടുള്ള അമര്ഷം തെരഞ്ഞെടുപ്പില് പ്രതിഫലിക്കുമെന്നാണ് പ്രതിപക്ഷ നേതാക്കള് പ്രതികരിച്ചത്.
ആദ്യ ഘട്ടത്തില് വിധിയെഴുതിയത്് 24 മണ്ഡലങ്ങളാണ് . ജമ്മു മേഖലയിലെ 8 മണ്ഡലങ്ങളും കാഷ്മീര് മേഖലയിലെ 16 മണ്ഡലങ്ങളുമാണ് ബുധനാഴ്ച പോളിംഗ് ബൂത്തിലെത്തിയത്. 219 സ്ഥാനാര്ത്ഥികളാണ് ആദ്യഘട്ടത്തില് ജനവിധി തേടിയത്.
23 ലക്ഷം പേര്ക്കാണ് ആദ്യ ഘട്ടത്തില് വോട്ടവകാശം ഉണ്ടായിരുന്നത്. കനത്ത സുരക്ഷയാണ് പോളിംഗ് ബൂത്തുകളില് ഏര്പ്പെടുത്തിയിരുന്നത്. തെരഞ്ഞെടുപ്പിനിടെ അക്രമസംഭവങ്ങള് റിപ്പോര്ട്ട് ചെയ്തിട്ടില്ല.
