ജയ്‌പൂർ : ഗണേശ ചതുർത്ഥിയുടെ തുടക്കം മുതൽ, രാജ്യത്തിന്റെ വിവിധ ഭാഗങ്ങളിൽ ഹിന്ദു ഘോഷയാത്രകൾക്ക് നേരെ ഇസ്ലാമിക മതമൗലികവാദികൾ ആക്രമണം നടത്തുന്നുണ്ട് . ഇപ്പോഴിതാ രാജസ്ഥാനിലെ ഭിൽവാരയിലും ഗണേശ നിമജ്ജന ഘോഷയാത്രയ്ക്ക് നേരെ ആക്രമണം ഉണ്ടായിരിക്കുകയാണ്.
ഗണേശ നിമജ്ജന ഘോഷയാത്ര ജഹാസ്പൂരിലെ പള്ളിക്ക് മുന്നിലൂടെ കടന്നുപോകുന്നതിനിടെയായിരുന്നു കല്ലേറ് ഉണ്ടായത് . മതമൗലികവാദികളുടെ ആക്രമണത്തിൽ ഒരു സ്ത്രീ ഉൾപ്പെടെ രണ്ടുപേർക്ക് ഗുരുതരമായി പരിക്കേറ്റു.സംഭവത്തെത്തുടർന്ന് ഘോഷയാത്രയിൽ പങ്കെടുത്തവർ പ്രതിഷേധിക്കുകയും കുറ്റവാളികൾക്കെതിരെ മുദ്രാവാക്യം വിളിക്കുകയും നടപടിയാവശ്യപ്പെടുകയും ചെയ്തു. വിവരമറിഞ്ഞ് ജഹാസ്പൂരിലെ ബിജെപി എംഎൽഎ ഗോപിചന്ദ് മീണയും സ്ഥലത്തെത്തി പ്രതികളെ അറസ്റ്റ് ചെയ്യണമെന്നാവശ്യപ്പെട്ട് പള്ളിക്ക് പുറത്ത് പ്രതിഷേധ പ്രകടനം നടത്തി.
സ്ഥിതിഗതികൾ നിയന്ത്രണവിധേയമാണെന്നും പ്രതികളെ കണ്ടെത്താനുള്ള അന്വേഷണം പുരോഗമിക്കുകയാണെന്നും പോലീസ് അറിയിച്ചു.
