കോണ്ഗ്രസ് നേതാവായ മണിശങ്കര് അയ്യര് 2023ല് രാഹുല് പങ്കെടുത്ത പരിപാടിയില് യുഎസില് വെച്ച് ഒരു പ്രവചനം നടത്തി. “പ്രതിപക്ഷനേതാവ് എന്ന നിലയില് രാഹുല് ഗാന്ധിയുടെ അവസാന സന്ദര്ശനമായിരിക്കും ഇത്. അടുത്ത തവണ യുഎസില് രാഹുല് ഗാന്ധി എത്തുക പ്രധാനമന്ത്രിയായിട്ടായിരിക്കും. “പക്ഷെ മണിശങ്കര് അയ്യരുടെ ആ പ്രവചനം തെറ്റി.
ഇക്കുറിയും രാഹുല് ഗാന്ധി യുഎസില് പോകുന്നത് പ്രതിപക്ഷനേതാവായിത്തന്നെയാണ്. മോദിയെ വീഴ്ത്താനായി എന്ജിഒകള് എല്ലാ പദ്ധതികളും 2024ലെ പൊതുതെരഞ്ഞെടുപ്പിന് ആസൂത്രണം ചെയ്തിരുന്നു എന്നാണ് മനസ്സിലാക്കുന്നത്. പക്ഷെ അവരുടെ എല്ലാ പദ്ധതികളും പാളി.
പ്രതീക്ഷിച്ച ഭൂരിപക്ഷം കിട്ടാതിരുന്നതിന് കാരണം എന്ജിഒകളും ജിഹാദികളും പ്രതിപക്ഷപാര്ട്ടികളും ഒറ്റക്കെട്ടായി മോദി സര്ക്കാരിനെതിരെ നടത്തിയ വര്ഗ്ഗീയ പ്രചാരണമായിരുന്നു. കേവലഭൂരിപക്ഷം കിട്ടുമെന്ന് കോണ്ഗ്രസ് കരുതിയിരുന്നു. പക്ഷെ മോദിയുടെ ജനകീയപിന്തുണയ്ക്ക് മുന്നില് കോണ്ഗ്രസിന്റെ മോഹങ്ങള് തകര്ന്നടിയുകയായിരുന്നു.
