ഉള്ളിലും പുറത്തും കറുപ്പിന്റെ അഴകുമായി ക്രെറ്റയുടെ നൈറ്റ് എഡിഷന് (Creta Knight Edition) എത്തി.ഇപ്പോഴത്തെ ക്രെറ്റയില് നിന്നും 21 പുതിയ മാറ്റങ്ങളോടെ എത്തിയിരിക്കുന്ന പുതിയ ക്രെറ്റ നൈറ്റ് എഡിഷന്റെ വില 14.51 ലക്ഷത്തില് നിന്നാണ് ആരംഭിക്കുന്നത്.
ഏറ്റവും ഉയര്ന്ന വേരിയന്റിന് 20.15 ലക്ഷം രൂപയാണ് എക്സ് ഷോറൂം വില. നൈറ്റ് എഡിഷൻ എന്നത് ക്രെറ്റയുടെ കറുത്ത പതിപ്പാണ്. ഇതില് പുറത്തെ നിറം മാത്രമല്ല കറുപ്പ്. ഉള്ളിലെകറുത്ത ലെതര് സീറ്റുള്പ്പെടെയുള്ള ഇന്റീരിയറും കറുപ്പ് തന്നെ. ലെതറില് പൊതിഞ്ഞ സ്റ്റിയറിങ്ങും കറുപ്പാണ്. ഇടയ്ക്ക് ബ്രാസിന്റെ സാന്നിധ്യം ഈ കറുപ്പിന് അഴകായി ഉള്ളില് ഢാഷ് ബോര്ഡിലും ഗിയര് ബൂട്ടിലും കാണുന്നത് കാറിന്റെ അഴക് വര്ധിപ്പിക്കുന്നു. .
കറുത്ത നിറത്തിൽ ഫ്രണ്ട്, റേഡിയേറ്റർ ഗ്രിൽ, മാറ്റ് ബ്ലാക്ക് ഫ്രണ്ട് ആൻഡ് റിയർ ഹ്യുണ്ടായ് ലോഗോ, ചുവന്ന ബ്രേക്ക് കാലിപ്പറുകളോട് കൂടിയ 17 ഇഞ്ച് ബ്ലാക്ക് അലോയ് വീലുകൾ, എക്സ്ക്ലൂസീവ് നൈറ്റ് എംബ്ലം, റിയർ സ്കിഡ് പ്ലേറ്റുകൾ എന്നിവ വാഹനത്തിനുണ്ട്.
സൈഡ് സിൽ ഗാർണിഷ്, റൂഫ്, സി-പില്ലർ, ORVM-കൾ, സ്പോയിലർ എന്നിവയ്ക്കെല്ലാം കറുത്ത നിറമാണ്. ഹ്യൂണ്ടായ് ക്രെറ്റ നൈറ്റ് എഡിഷന് രണ്ട് എഞ്ചിൻ ഓപ്ഷനുകളുണ്ട്. 1.5 ലിറ്റർ MPi പെട്രോൾ (115PS, 144Nm), 1.5 ലിറ്റർ U2 CRDi ഡീസൽ (116PS, 250Nm). ട്രാൻസ്മിഷൻ ഓപ്ഷനുകളിൽ 1.5 ലിറ്റർ MPi പെട്രോൾ യൂണിറ്റുള്ള 6-സ്പീഡ് MT, IVT ഓട്ടോമാറ്റിക്, 1.5-ലിറ്റർ U2 CRDi ഡീസൽ യൂണിറ്റുള്ള 6-സ്പീഡ് MT, 6-സ്പീഡ് AT എന്നിവ ഉൾപ്പെടുന്നു. എന്നിരുന്നാലും, സ്റ്റാൻഡേർഡ് ക്രെറ്റയിലും ക്രെറ്റ എൻ ലൈനിലും ലഭ്യമായ 1.5 ലിറ്റർ കപ്പ ടർബോ GDi പെട്രോൾ എഞ്ചിൻ വാഹനത്തിന് നൽകുന്നില്ല.
രണ്ട് കളര് ഓപ്ഷന് ഉണ്ട്. ഒന്ന് ടൈറ്റന് ഗ്രേ മാറ്റ് ആണ്. പക്ഷെ ഇതിന് 5000 രൂപ കൂടുതല് കൊടുക്കണം. 10000 രൂപ അധികം നല്കിയാല് ബ്ലാക്കും ടൈറ്റന് ഗ്രേ മാറ്റും ഇടകലര്ന്ന നിറവും തെരഞ്ഞെടുക്കാം. കിയ സെല്റ്റോസ്, ഹോണ്ട എലിവേറ്റ്, മാരുതി ഗ്രാന്റ് വിറ്റാര, വിഡബ്ല്യു ടൈഗുന്, സ്കോഡ കുഷാക് എന്നിവയോടാണ് ക്രെറ്റയുടെ മത്സരം.
