ന്യൂദൽഹി : പാരാലിമ്പിക്‌സ് മെഡൽ ജേതാക്കളെ അനുമോദിച്ച് പ്രധാനമന്ത്രി നരേന്ദ്രമോദി. ജേതാക്കളായ യോഗേഷ് കത്തൂനിയ, സുമിത് ആൻ്റിൽ, ശീതൾ ദേവി, രാകേഷ് കുമാർ എന്നിവരുമായി പ്രധാനമന്ത്രി നരേന്ദ്ര മോദി ടെലിഫോൺ സംഭാഷണം നടത്തി.
നടന്നുകൊണ്ടിരിക്കുന്ന ഇവൻ്റിലെ മിന്നുന്ന പ്രകടനത്തിന് അവരെ അഭിനന്ദിക്കുകയും ചെയ്തു. ചൊവ്വാഴ്ച ബ്രൂണെയിലെ ദാറുസ്സലാമിലെ പരിപാടികൾക്ക് ശേഷമാണ് പ്രധാനമന്ത്രി മോദി നമ്മുടെ പാരാലിമ്പിക് ചാമ്പ്യന്മാരെ വിളിച്ച് അഭിനന്ദിച്ചത്.
അതേ ഇന്ത്യയും ബ്രൂണൈയും തമ്മിലുള്ള നയതന്ത്രബന്ധം സ്ഥാപിച്ചതിന്റെ 40-ാം വാർഷികത്തോടനുബന്ധിച്ചാണ് മോദിയുടെ സന്ദർശനം. ഇതിന് പുറമെ ഒരു ഇന്ത്യൻ പ്രധാനമന്ത്രിയുടെ ബ്രൂണെയിലെ ആദ്യ ഉഭയകക്ഷി സന്ദർശനം കൂടിയാണിത്.
