ന്യൂദല്ഹി: അന്താരാഷ്ട്ര ക്രിക്കറ്റില്നിന്ന് വിരമിക്കുന്നതിന് മുന്പ് വിരാട് കോഹ്ലിയും രോഹിത് ശര്മയും പാകിസ്ഥാനില് കളിക്കണമെന്ന് പാക് മുന് താരം കമ്രാന് അക്മല്. മറ്റെവിടെയുമില്ലാത്ത ആരാധകര് പാകിസ്ഥാനില് ഇരുവര്ക്കുമുണ്ടെന്നത് അവര്ക്ക് അനുഭവിക്കാന് കഴിയും. കോഹ്ലിയും രോഹിത്തും ജസ്പ്രീത് ബുംറയും പാകിസ്ഥാന് സന്ദര്ശനം നടത്തിയാല് അത് ഓരോ പാക് ആരാധകരിലും ആഴത്തിലുള്ള വികാരമുണര്ത്തുമെന്നും അദ്ദേഹം പറഞ്ഞു.
വിരമിക്കുന്നതിന് മുന്പ് കോഹ്ലിയും രോഹിത്തും പാകിസ്ഥാന് സന്ദര്ശിക്കണം. ലോകക്രിക്കറ്റിലെ ഉജ്വല താരങ്ങളാണ് ഇരുവരും. മികച്ച ബാറ്റിങ്ങും ഏതു പ്രതിസനധി ഘട്ടത്തിലും കളി വിജയിപ്പിക്കാനുള്ള കഴിവും ഇരുവര്ക്കുമുണ്ട്. ലോകത്താകെ ഇവര്ക്ക് നിരവധി ആരാധകരുമുണ്ട്. മറ്റെവിടെയുമില്ലാത്ത തരത്തില് ആരാധക സമൂഹം ഇവര്ക്ക് പാകിസ്ഥാനിലുണ്ട്. ആഗോളതലത്തില് കായികതാരങ്ങള്ക്ക് റോള് മോഡലാണ് കോഹ്ലിയെന്ന് ഞാന് കരുതുന്നു. ലോകകപ്പ് വിജയിച്ച ക്യാപ്റ്റനാണ്. രോഹിത്ത്. ലോകത്തിലെ ഏറ്റവും മികച്ച പേസറാണ് ബുംറ. മൂവരും വിരമിക്കുന്നതിനു മുന്ന് ഒന്നിച്ച് പാകിസ്ഥാനില് കളിക്കാല് അത് മഹത്താന അനുഭവമാകും, കമ്രാന് അക്മല് പറഞ്ഞു.
കോഹ്ലിയും രോഹിത്തും ബംറയും പാകിസ്ഥാനില് അന്താരാഷ്ട്ര മത്സരങ്ങളൊന്നും കളിച്ചിട്ടില്ല. കോഹ്ലി അണ്ടര്-19 ടീമിലായിരിക്കേ പാകിസഥാന് സന്ദര്ശിച്ചിട്ടുണ്ട്. ടി20യില്നിന്ന് വിരമിച്ച കോഹ്ലിയും രോഹിത്തും ഇനി ടെസ്റ്റിലും ഏകദിനത്തിലും മാത്രമാണ് കളിക്കുക.
