കോട്ടയം: പീഡനകഥകളുടെ പരമ്പരയുമായി വരുന്നവര്ക്കു പിന്നില് ക്വട്ടേഷന് വര്ക്ക് എന്ന് സംശയിച്ച് സോഷ്യല് മീഡിയയില് ഒരു വിഭാഗം രംഗത്ത്. വ്യാപകമായി പ്രചരിക്കുന്ന ഇത്തരം നിലപാടുകളുടെ ഒരു സാമ്പിള് ഇതാ: ‘വിവിധ തലങ്ങളില് എഴുതി പൂര്ത്തിയാക്കിയ തിരക്കഥ, രഞ്ജിത് മുതല് മാമുക്കോയ വരെ നീണ്ടു കഴിഞ്ഞു. ദിലീപ് പണ്ടേ ഉണ്ട്. ഇന്നലെ രഞ്ജിത്, ഇന്ന് സിദിഖ്, നാളെ ഇടവേള ബാബുവും മുകേഷും കടന്ന് മമ്മൂട്ടിയിലേക്ക് നീട്ടാനാണ് പ്ലാന്. ചാനല് കാമറകള്ക്ക് മുന്നില് വനിതാ റിപ്പോര്ട്ടറെ സ്പര്ശിച്ച സുരേഷ് ഗോപിയുടെ പിതൃവാല്സല്യത്തെ ചൊല്ലി കണ്ണീരൊഴുക്കിയവരെല്ലാം ഇന്ന് രഞ്ജിത്തിന്റെയും സിദ്ദിഖിന്റെയും ചോരയ്ക്ക് വേണ്ടി മുറവിളി കൂട്ടിക്കൊണ്ടിരിക്കുകയാണ്. വാതിലില് മുട്ടി വിളിച്ചതിനെ കുറിച്ച് വിവാദമുയരുമ്പോള്, സിനിമ തൊഴിലിടത്തില് ഇത്തരം എന്തെങ്കിലും ദുരനുഭവം ഉണ്ടായിട്ടുണ്ടോ എന്ന് ചോദിച്ചവരോട് ‘ഛെ ഛെ ഛെ എനിക്ക് അങ്ങനെ ഉണ്ടായിട്ടില്ല, ‘ എന്ന് വെള്ള പൂശുന്നവരാണ് സിദ്ദിഖിനൊപ്പം ഇരുന്ന് ഇതേ അഭിപ്രായം പറഞ്ഞ ജോമോളെ കുറ്റം പറയുന്നത്. ഇനി ഗ്രഹണകാലമാണ് – ഞാഞ്ഞൂലുകളുടെ കാലം : സമ്പത്തുകളുടെ വരവ് തുടങ്ങിയിട്ടേ ഉള്ളൂ. ക്വട്ടേഷന് എടുത്തവരുടെ ലക്ഷ്യം വേറേയാണ് സക്കീര് ഭായ് !’
