ലക്നൗ : ഹിന്ദു യുവാവിനെ വിവാഹം കഴിച്ച മുസ്ലീം യുവതിയ്ക്ക് ഭീഷണി. യുപി ഹർദോയി സ്വദേശിനിയായ സീമ കശ്യപാണ് വീടിന് സമീപത്തെ ഇസ്ലാമിസ്റ്റുകൾക്കെതിരെ മുഖ്യമന്ത്രി യോഗി ആദിത്യനാഥിന് പരാതി നൽകിയത് .
മുസ്ലീമായിരുന്ന യുവതി അടുത്തിടെ മതം മാറിയിരുന്നു . എന്നാൽ യുവതി വീണ്ടും മുസ്ലീമാകണമെന്നും , ഭർത്താവും, മകനും സുന്നത്ത് നടത്തണമെന്നും ആവശ്യപ്പെട്ടാണ് ഭീഷണി . അൻവർ മൻസൂരി, നിസാമുദ്ദീൻ മൻസൂരി, മോനു മൻസൂരി, ജുനൈദ് മൻസൂരി എന്നിവർക്കെതിരെയാണ് യുവതി പരാതി നൽകിയത് .
താൻ മുമ്പ് മുസ്ലീമായിരുന്നുവെന്ന് യുവതി പറയുന്നു. സ്വന്തം ഇഷ്ടപ്രകാരം ഹിന്ദുമതം സ്വീകരിക്കുകയും അതേ ഗ്രാമത്തിലെ നിർഭയ് കശ്യപിനെ വിവാഹം കഴിക്കുകയും ചെയ്തു. ഇപ്പോൾ അഞ്ച് വയസ്സുള്ള ഒരു മകനുമുണ്ട് . വീണ്ടും മുസ്ലീം മതത്തിലേക്ക് മാറാൻ പ്രതികൾ തന്നെ സമ്മർദം ചെലുത്തുന്നുണ്ടെന്ന് യുവതി പറയുന്നു. ഭർത്താവിനെയും കുഞ്ഞിനെയും പരിച്ഛേദനം ചെയ്യാനും മുസ്ലീം മതത്തിലേക്ക് മടങ്ങാനും അല്ലെങ്കിൽ അവരെ ഉപേക്ഷിക്കാനും ഇസ്ലാമിസ്റ്റുകൾ ഭീഷണിപ്പെടുത്തുന്നതായും യുവതി പരാതിയിൽ പറയുന്നു.
