തിരുവനന്തപുരം: നടന്‍ മോഹന്ലാലിന്റെ അമ്മയുടെ പിറന്നാള്‍ ആഘോഷ വേദിയെ സംഗീതസാന്ദ്രമാക്കാന്‍ എത്തിയത് എം.ജി.ശ്രീകുമാറോ യേശുദാസോ ഒന്നുമല്ല, ഒരു കൊച്ചുഗായകനാണ്. ഇതിനകം ദേശീയ മാധ്യമങ്ങളിലും സമൂഹമാധ്യമങ്ങളിലും വൈറലായിക്കഴിഞ്ഞ മലയാളത്തിന്റെ ഇടുക്കിയിലെ കൊച്ചുപാട്ടുകാരന്‍ ആവിര്‍ഭവ്. ഹിന്ദി സംഗീത റിയാലിറ്റി ഷോ ആയ സൂപ്പര്‍ സിംഗര്‍ ത്രീയില്‍ ആയിരുന്നു ആവിര്‍ഭവ് കിരീടം നേടിയത്.
https://www.youtube.com/shorts/RWvX6Oy4RtE
മോഹന്ലാലിന്റെ അമ്മ ശാന്തകുമാരിക്ക് വേണ്ടി ആവിര്‍ഭവ് പാടിയത് ‘അല്ലിയാമ്പല്‍ കടവില്‍’ എന്ന ഗാനമാണ്. പി. ഭാസ്കരന്‍ എഴുതി ജോയി സംഗീതം ചെയ്ത് യേശുദാസ് പാടിയ ഗാനം. അത് ആവിര്ഭവിന്റെ തരളിത ശബ്ദത്തില്‍ വാര്‍ന്നുവീണപ്പോള്‍ മോഹന്‍ലാലിനും അമ്മ ശാന്തകുമാരിക്കും മനസ്സിലത് കുളിരോലും ഓര്‍മ്മയായി. ആരാധന എന്ന ഹിന്ദി സിനിമയില്‍ കിഷോര്‍ കുമാറും ലത മങ്കേഷ്കറും ആലപിച്ച ‘കോറാ കാഗസ് ധാ യേ മന്‍ മേരാ’ എന്ന ഗാനവും ആവിര്‍ഭവ് പാടി. ആവിര്‍ഭവിനെ ഏറെ സ്നേഹത്തോടെയാണ് മോഹന്‍ലാലും ഭാര്യ സുചിത്രയും വരവേറ്റത്. കൊച്ചിയിലെ എളമക്കരയിലെ വീട്ടില്‍ ആയിരുന്നു പിറന്നാള്‍ ആഘോഷം.
ഗായകരിലെ ഷാരൂഖ് ഖാന്‍ എന്നാണ് ആവിര്‍ഭവിനെ വിധികര്‍ത്താക്കള്‍ വിശേഷിപ്പിക്കുന്നത്. പങ്കജ് ഉധാസ് പാടിയ ചിട്ടി ആയി ഹേ എന്ന ഗാനത്തിലൂടെയാണ് ആവിര്‍ഭവ് ശ്രദ്ധേയനായത്. ഇടുക്കി സ്വദേശിയായ ആവിര്ഭവിന്റെ അമ്മ സന്ധ്യയും സജിമോനും. ചേച്ചി അനിര്‍വിഹിയയും റിയാലിറ്റി ഷോ താരമാണ്.
