കോട്ടയം: ഡിസിസി ജനറല് സെക്രട്ടറി ജോബോയ് ജോര്ജ് (45 ) കോട്ടയം നഗരമധ്യത്തില് കുഴഞ്ഞ് വീണ് മരിച്ചു. കോട്ടയം നഗരത്തിലെ ചന്തയില് പച്ചക്കറി വാങ്ങുന്നതിനിടെ കുഴഞ്ഞ് വീഴുകയായിരുന്നു.
ഉടന്തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മരണകാരണം ഹൃദയാഘാതമാണെന്നാണ് പ്രാഥമിക നിഗമനം.
കോട്ടയം ജില്ലയില് കെഎസ്യു മുന് പ്രസിഡന്റും സംസ്ഥാന ജനറല് സെക്രട്ടറിയുമായിരുന്നു ജോബോയ്. യൂത്ത് കോണ്ഗ്രസ് പാര്ലമെന്റ് മണ്ഡലം പ്രസിഡന്റായും പ്രവര്ത്തിച്ചിട്ടുണ്ട്. കുറവിലങ്ങാട് സ്വദേശിയാണ്.
