ഹിമാചല്‍പ്രദേശില്‍ ഉണ്ടായ വെള്ളപ്പൊക്കത്തിലും കനത്ത മഴയിലും എല്ലാം നഷ്ടപ്പെട്ടവരെ കാണാന്‍ അവിടുത്തെ എംപി കൂടിയായ കങ്കണ റണാവത്ത് ഓടിയെത്തി. എല്ലാം നഷ്ടപ്പെട്ടവര്‍ക്കൊപ്പം കണ്ണീര്‍ വാര്‍ത്ത് കങ്കണ അവരില്‍ ഒരാളായി.
#WATCH | Himachal Pradesh: BJP MP Kangana Ranaut visited flood-affected Bagipul village and Kedas village in Kullu today and interacted with the locals.
Visuals from Bagipul earlier today. pic.twitter.com/HvVOBH5HDX
— ANI (@ANI) August 6, 2024
“പ്രകൃതിയ്ക്ക് മുന്‍പില്‍ മനുഷ്യര്‍ അങ്ങേയറ്റം ദുര്‍ബലരാണ്…ഭൂമി ദേവീ ഞങ്ങളോട് കനിവുണ്ടാകണേ…”- പ്രളയത്തില്‍പ്പെട്ട മനുഷ്യരുടെ ദുരന്തചിത്രങ്ങള്‍ പങ്കുവെച്ചുകൊണ്ട് കങ്കണ സമൂഹമാധ്യമത്തില്‍ കുറിച്ചു. മലനിരകള്‍ ചിലപ്പോള്‍ അങ്ങേയറ്റം വിശുദ്ധവും ആഹ്ളാദം പകരുന്നവയും ആണ്. പക്ഷെ മറ്റുചിലപ്പോള്‍ അവ ഭയാനകവും തകര്‍ന്നുടയുന്നവയുമാണ്. എന്നെപ്പോലെ തന്നെ….ഞാന്‍ മലനിരകളാണ്…അവ ഞാനാണ്.”-അതിവൈകാരികമായ മറ്റൊരു പോസ്റ്റില്‍ കങ്കണ കുറിച്ചു.
ഹിമാചല്‍ പ്രദേശിലെ മാണ്ഡിയുടെ എംപിയായ കങ്കണ വെള്ളപ്പൊക്കക്കെടുതികളില്‍ പെട്ട ഏതാനും സ്ഥലങ്ങള്‍ സന്ദര്‍ശിച്ചു. അവിടെ രക്ഷാപ്രവര്‍ത്തനങ്ങളും ദുരിതാശ്വാസപ്രവര്‍ത്തനങ്ങളും പുരോഗമിക്കുകയാണ്. ദുരന്തമുഖത്ത് നിന്നുള്ള ഒട്ടേറെ ഫോട്ടോകള്‍ കങ്കണ പങ്കുവെച്ചിരുന്നു. അതില്‍ ഒന്നില്‍ പ്രകൃതി ദുരന്തത്തില്‍ മാനസികമായി തകര്‍ന്ന ഒരു സ്ത്രീയെ ആശ്വസിപ്പിച്ച് കണ്ണീര്‍ വാര്‍ക്കുന്ന കങ്കണയെ കാണാം.
