ധാക്ക : ഷെയ്ഖ് ഹസീന രാജ്യം വിട്ടതിനെ തുടർന്ന് പ്രധാനമന്ത്രിയുടെ വസതിയിൽ കയറി പാത്രങ്ങളും സാരിയും മോഷ്ടിച്ച് പ്രതിഷേധക്കാർ . പ്രധാനമന്ത്രിയുടെ കസേരയില് കയറി ഇരിക്കുക, സെല്ഫി എടുക്കുക, സാരിയടക്കം എടുത്ത ധരിക്കുക എന്നിങ്ങനെയായിരുന്നു പ്രതിഷേധക്കാരുടെ പ്രകടനങ്ങൾ . ഇതിന്റെ ദൃശ്യങ്ങള് സമൂഹമാധ്യമങ്ങളില് വൈറലാണ്.
ഔദ്യോഗിക വസതിയായ ഗാനഭബനിൽ ഗേറ്റുകള് തകത്ത് അകത്തുകയറിയായിരുന്നു മോഷണം. വസതിയിലെ പാത്രങ്ങളും പരവതാനികളും പ്രധാനമന്ത്രിയുടെ വസ്ത്രങ്ങളടക്കം ജനക്കൂട്ടം സ്വന്തമാക്കി. ഓഫിസിലെ കസേരകളിലും മേശപ്പുറത്തും കയറിയിരിക്കുക, സെല്ഫി എടുക്കുക, ഫയലുകളെടുത്ത് പരതുന്നതായി പോസ് ചെയ്യുക ദൃശ്യങ്ങള്. അടുക്കളയില് കയറി ഭക്ഷണം കഴിക്കുകയും വീട്ടിലെ ക്ലോക്ക് അടക്കം അടിച്ചുമാറ്റുകയും ചെയ്തു.
ശ്രീലങ്കയിൽ ആഭ്യന്തര കലാപം രൂക്ഷമായപ്പോഴും ശ്രീലങ്കൻ പ്രസിഡന്റിന്റെ ഔദ്യോഗിക വസതിയിൽ സമാന സംഭവങ്ങള് അരങ്ങേറിയിരുന്നു. അതേസമയം തിങ്കളാഴ്ചയാണ് ഹസീന രാജിവെച്ച് രാജ്യം വിട്ടത്, ഇടക്കാല സർക്കാർ അധികാരം ഏറ്റെടുക്കുമെന്ന് ആർമി ചീഫ് വക്കർ ഉസ് സമാൻ വ്യക്തമാക്കി.
