എടത്വാ: കുവൈറ്റ് അബ്ബാസിയ സൈഫ് പാര്പ്പിട സമുച്ചയത്തിലുണ്ടായ അഗ്നിബാധയില് മരിച്ച ആലപ്പുഴ സ്വദേശികളായ കുടുംബാംഗങ്ങളുടെ മൃതദേഹം ഇന്ന് നാട്ടിലെത്തിക്കും.
കുട്ടനാട് തലവടി ഗ്രാമപഞ്ചായത്ത് ആറാം വാര്ഡില് നീരേറ്റുപുറം മുളയ്ക്കല് വീട്ടില് മാത്യു വര്ഗീസ് (ജിജോ-42), ഭാര്യ ലിനി (37), ഒന്പതാം ക്ലാസ് വിദ്യര്ഥിനി
യായ മൂത്ത മകള് ഐറിന് (14), അഞ്ചാം ക്ലാസ് വിദ്യര്ഥിയായ ഇളയ മകന് ഐസക്ക് (11) എന്നിവരുടെ മൃതദേഹങ്ങള് തിങ്കളാഴ്ച രാവിലെ എട്ടു മണിയോടെ കൊച്ചി ഇന്റര്നാഷണല് എയര്പോര്ട്ടില് എത്തിച്ചേരും.
തുടര്ന്ന് ബന്ധുക്കള് മൃതദേഹം ഏറ്റുവാങ്ങി തിരുവല്ല മെഡിക്കല് മിഷന് മോര്ച്ചറിയിലേക്ക് മാറ്റും. ബുധനാഴ്ച വൈകുന്നേരം പൊതുദര്ശനത്തിനും സംസ്കാര ശുശ്രൂഷകള്ക്കുമായി മൃതദേഹങ്ങള് നീരേറ്റുപുറത്ത് വസതിയിലേക്ക് കൊണ്ടുവരും. വ്യാഴാഴ്ച രാവിലെ 10ന് വീട്ടിലെ ശുശ്രൂഷകള്ക്ക് ശേഷം സംസ്കാര ചടങ്ങുകള് തലവടി പടിഞ്ഞാറേക്കര മാര്ത്തോമ്മാ പള്ളിയില് നടക്കും.
