തൃശൂര്: മേയറുടെ റഷ്യന് യാത്രയെ പരസ്യമായി വിമര്ശിച്ച് ഡപ്യൂട്ടി മേയര് എം.എല് റോസി. മേയര് എന്തിനാണ് റഷ്യയില് പോയതെന്നും യാത്രാ ചെലവ് സംബന്ധിച്ച കണക്കുകള് പരസ്യമാക്കണമെന്നും റോസി കൗണ്സിലില് ആവശ്യപ്പെട്ടത് ഭരണമുന്നണിയില് ഞെട്ടലുണ്ടാക്കി.
ഔദ്യോഗിക യാത്രയെന്നാണ് പറയുന്നത്. പക്ഷേ ഇക്കാര്യം കൗണ്സില് അറിഞ്ഞിട്ടില്ല. പരസ്പര വിശ്വാസമില്ലാതെ എങ്ങനെയാണ് മുന്നോട്ട് പോകാന് കഴിയുക എന്നും റോസി തുറന്നടിച്ചു. റോസിയുടെ ആരോപണങ്ങള്ക്ക് മേയര് എം.കെ.വര്ഗീസ് മറുപടി പറഞ്ഞില്ല.
മേയര്ക്കെതിരെ സിപിഐ പരസ്യനിലപാടെടുത്തിരിക്കുന്ന സാഹചര്യത്തില് ഡപ്യൂട്ടി മേയറുടെ എതിര്പ്പും കൂടിയായതോടെ എം.കെ.വര്ഗീസിന്റെ നില കൂടുതല് പരുങ്ങലിലാവുകയാണ്.
