കൊച്ചി: തിരുവനന്തപുരം ആമയിഴഞ്ചാന് തോട് വൃത്തിയാക്കാനിറങ്ങിയ തൊഴിലാളി മരിച്ച സംഭവത്തില് രൂക്ഷ വിമര്ശനവുമായി കേരള ഹൈക്കോടതി. മാലിന്യം തോട്ടില് തള്ളുന്നത് ആളുകളെ കൊല്ലുന്നതിന് തുല്യമാണെന്ന് പറഞ്ഞ ഹൈക്കോടതി മാലിന്യ നിര്മ്മാര്ജ്ജനത്തില് ജനത്തിന്റെ കണ്ണ് തുറപ്പിക്കുന്ന ഇടപെടലുണ്ടാവണമെന്നും ആവശ്യപ്പെട്ടു
ജോയിയെ കണ്ടെത്താന് മാലിന്യം നിറഞ്ഞ തോട്ടില് ഇറങ്ങി തിരച്ചിലിലേര്പ്പെട്ട അഗ്നിരക്ഷാ സേനാംഗങ്ങളെ ഹൈക്കോടതി അഭിനന്ദിച്ചു. കൊച്ചിയിലെ വെള്ളക്കെട്ട് സംബന്ധിച്ച കേസ് പരിഗണിച്ച വേളയിലാണ് ഇത്.
കൊച്ചിയിലെ കനാലുകളില് സുഗമമായ ഒഴുക്ക് ഉറപ്പാക്കണമെന്ന് ഹൈക്കോടതി പറഞ്ഞു.ഈ വിഷയത്തില് ജില്ലാ കളക്ടറുടെ റിപ്പോര്ട്ടിന്മേലുള്ള കാര്യങ്ങള് പരിശോധിച്ച് വിലയിരുത്താന് അമിക്കസ് ക്യൂറിയോട് നിര്ദേശിച്ചു. സ്ഥലം സന്ദര്ശിച്ച് നിലവിലെ സ്ഥിതി വിലയിരുത്തണമെന്ന് കോടതി നിര്ദ്ദേശിച്ചു. വെള്ളക്കെട്ട് സംബന്ധിച്ച കേസ് ജൂലായ് 31ന് പരിഗണിക്കാന് മാറ്റി.
