പാലക്കാട് : കൊല്ലങ്കോട് സീതാര്കുണ്ട് വെള്ളച്ചാട്ടത്തില് കുടുങ്ങിപ്പോയ ആളെ അഗ്നിരക്ഷാസേനയും പൊലീസും നാട്ടുകാരും സംയുക്തമായി രക്ഷപ്പെടുത്തി. സുഹൃത്തുക്കള്ക്കൊപ്പം എത്തിയ വണ്ടിത്താവളം സ്വദേശി രമേശിനെയാണ് ഏറെ നേരത്തേ പ്രയത്നത്തിനൊടുവില് കരയ്ക്കെത്തിച്ചത്.
വാച്ചര്മാര് വിലക്കിയിട്ടും വകവയ്ക്കാതെ വനത്തിനുള്ളിലേക്ക് പോയി മലവെള്ളപ്പാച്ചിലില് അകപ്പെടുകയായിരുന്നു സംഘം. കൂടെയുണ്ടായിരുന്നവര് ഓടി രക്ഷപ്പെട്ടെങ്കിലും രമേശന് വെള്ളത്തില് ഒലിച്ചു പോയി. എന്നാല് കയ്യില് കാട്ടുവള്ളി കിട്ടിയതോടെ മണിക്കൂറോളം അതില് പിടിച്ചുനിന്നു
തുടര്ന്ന് അഗ്നിരക്ഷാസേനാംഗങ്ങള് കയറിട്ട് രക്ഷപ്പെടുത്തി കരയ്ക്കെത്തിക്കുകയായിരുന്നു.
