കോട്ടയം: 2015 ഐ.എ.എസ്. ബാച്ചുകാരനാണ് കോട്ടയത്തെ പുതിയ കളക്ടറായി നിയമിതനായ ജോണ്‍ വി സാമുവല്‍. തിരുവനന്തപുരം സ്വദേശിയാണ്.
പിന്നാക്ക വികസന വകുപ്പ് ഡയറക്ടറായി പ്രവര്‍ത്തിക്കവെയാണ് കോട്ടയം ജില്ലാ കളക്ടറായി നിയമിച്ചത്. ആലപ്പുഴ ജില്ലാ കളക്ടര്‍, ഭൂജല വകുപ്പ് ഡയറക്ടര്‍
തദ്ദേശ സ്വയംഭരണ വകുപ്പ് ഡപ്യൂട്ടി സെക്രട്ടറി, കണ്ണൂര്‍ ജില്ലാ ഡവലപ്മെന്റ് കമ്മിഷണര്‍, ലീഗല്‍ മെട്രോളജി കണ്‍ട്രോളര്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്. ആലപ്പുഴ കളക്ടറായിരിക്കെ മുഖ്യ തിരഞ്ഞെടുപ്പ് ഓഫീസിലെ ഉദ്യോഗസ്ഥര്‍ക്ക് കളക്ടറെ കാണാന്‍ മണിക്കൂറുകളോളം കാത്തിരിക്കേണ്ടി വന്നതും ഇലക്ടറല്‍ ഓഫീസര്‍ വിശദീകരണം തേടിയതും വാര്‍ത്തയായിരുന്നു. നവകേരള സദസ് സംഘടിപ്പിക്കുന്നതുമായി ബന്ധപ്പെട്ട് തലസ്ഥാനത്ത് നിന്നെത്തിയ ചില വകുപ്പുമേധാവികളുമായും പ്രശ്നങ്ങളുണ്ടായി. സിപിഐയുടെ സര്‍വീസ് സംഘടനയായ ജോയിന്‌റ് കൗണ്‍സിലും ഇദ്‌ദേഹത്തിനെതിരെ പരാതി ഉന്നയിച്ചിരുന്നു.
