തൃശ്ശൂര്: തൃശ്ശൂര് റെയില്വേ സ്റ്റേഷനിലെ കക്കൂസ് മാലിന്യം പുറത്ത് ഓടയിലേക്ക് ഒഴുക്കുന്നുവെന്ന പരാതിയെ തുടര്ന്ന് മേയര് എം കെ വര്ഗീസും സംഘവും പരിശോധന നടത്തി. നഗരസഭാ പരിധിയിലുള്ള വഞ്ചിക്കുളത്തേക്കാണ് ഓടയില് നിന്ന് മാലിന്യം പുറത്തേക്ക് പോകുന്നതെന്നാണ് പരാതി.
കക്കൂസ് മാലിന്യം ഓടയില് ഒഴുക്കാന് അനുവദിക്കില്ലെന്ന് മേയര് പറഞ്ഞു. പരിശോധനയ്ക്ക് മേയര് എത്തിയപ്പോള് റെയില്വേ ഉദ്യോഗസ്ഥരും സ്ഥലത്തെത്തി.
കക്കൂസ് മാലിന്യം പുറത്തേക്ക് ഒഴുക്കിയാല് ശക്തമായ നടപടി സ്വീകരിക്കുമെന്ന് മേയര് പറഞ്ഞു. അതേസമയം, സംഭവത്തില് ഔദ്യോഗിക വിശദീകരണം പിന്നീട് നല്കാമെന്ന് റെയില്വേ ഉദ്യോഗസ്ഥര് പറഞ്ഞു.
