ഏഴ് കുതിരകളുടെ പെയിന്‍റിംഗ് വീട്ടില്‍ തൂക്കുന്നത് ഐശ്വര്യം കൊണ്ടുവരുമെന്നാണ് വാസ്തുശാസ്ത്ര വിശ്വാസം. വാസ്തുശാസ്ത്രപ്രകാരം ഈ കുതിരകള്‍ ശക്തിയെയും വിജയത്തെയും പ്രതിനിധീകരിക്കുന്നു. തെക്ക് ഭാഗത്താണ് ചിത്രം തൂക്കേണ്ടത്. കിടപ്പുമുറിയിലോ പഠനമുറിയിലോ ടോയ്ലറ്റിലോ കുളിമുറിയിലോ കുതിരകളുടെ പടം തൂക്കരുത്. അങ്ങിനെ ചെയ്താല്‍ ഭാഗ്യം നിങ്ങളുടെ വീട്ടില്‍ കയറുകയില്ല.
ഏഴ് കുതിരകളുടെ ചിത്രത്തിലെ കുതിരകള്‍ നേട്ടം, ശക്തി, പുരോഗതി, സമാധാനം എന്നിവയെ പ്രതിനിധീകരിക്കുന്നു. ഏഴ് ഭാഗ്യസംഖ്യയാണ്. ഏഴ് സമുദ്രങ്ങള്‍, ഏഴ് നക്ഷത്ര സമൂഹങ്ങള്‍, ഏഴ് മഴവില്‍ നിറങ്ങള്‍ പ്രകൃതിയിലേക്ക് തിരിഞ്ഞാല്‍ പൂര്‍ണ്ണത ഏഴ് എന്ന സംഖ്യയിലാണ്. പുരാതന ഭാരതഋഷിമാര്‍ സപ്തര്‍ഷികള്‍ എന്നറിയപ്പെടുന്ന ഏഴ് ഋഷിമാരാണ്. വിവാഹത്തിന് വധുവും വരനും ഏഴ് പ്രതിജ്ഞകളാണ് ചെയ്യുന്നത്. വിഷ്ണുപുരാണത്തില്‍ സൂര്യഭഗവാന്റെ തേരില്‍ കെട്ടിയ ഏഴ് കുതിരകളെക്കുറിച്ച് പറയുന്നു.
വീടിന്റെ തെക്കേ ദിശയില്‍ തന്നെ ഏഴ് കുതിരകളുള്ള ചിത്രം തൂക്കിയിടണം. തെക്കേ ദിശയില്‍ ചുമര്‍ ലഭ്യമല്ലെങ്കില്‍ കിഴക്കോ വടക്കോ തൂക്കിയിടാം. ചന്ദ്രന്റെ പശ്ചാത്തലത്തിലുള്ള ഏഴ് കുതിരകളുടെ ചിത്രമാണെങ്കില്‍ അത് വിജയം, സമാധാനം, പുരോഗതി എന്നിവയെ സൂചിപ്പിക്കുന്നു. കടല്‍ത്തീരത്തുകൂടെ ഓടുന്ന കുതിരകളുടെ ചിത്രമാണെങ്കില്‍ അത് വേഗത്തിലുള്ള കുതിപ്പിനെ സൂചിപ്പിക്കുന്നു. വെള്ള നിറത്തിലുള്ള ഏഴ് കുതിരകളുടെ ചിത്രം സമാധാനത്തെ സൂചിപ്പിക്കുന്നു.
