മുംബയ് : ഇന്ത്യന് ക്രിക്കറ്റ് ടീം നായകനായി രോഹിത് ശര്മ തുടരും. ചാമ്പ്യന്സ് ട്രോഫി ലോക ടെസ്റ്റ് ചാമ്പ്യന്ഷിപ്പിലും രോഹിതായിരിക്കും നായകനെന്ന് ബിസിസിഐ അറിയിച്ചു.
2025ലെ ചാമ്പ്യന്സ് ട്രോഫിയിലും അടുത്ത വര്ഷം നടക്കാനിരിക്കുന്ന മൂന്നാം ഐസിസി ലോക ടെസ്റ്റ് ചാമ്പ്യന്ഷിപ്പിലും ഇന്ത്യയെ കിരീടമണിയിക്കാന് രോഹിതിന് കഴിയുമെന്നാണ് പ്രതീക്ഷയെന്ന് ബിസിസിഐ സെക്രട്ടറി ജയ് ഷാ പറഞ്ഞു.
കഴിഞ്ഞയാഴ്ച ബാര്ബഡോസില് നടന്ന ടി20 ലോകകപ്പ് ഫൈനലില് ദക്ഷിണാഫ്രിക്കയെ പരാജയപ്പെടുത്തി ഇന്ത്യ കിരീടം ഉയര്ത്തിയത് രോഹിതിന്റെ ക്യാപ്റ്റന്സിക്ക് പൊന്തൂവലായി. 2007ലെ ഉദ്ഘാടന പതിപ്പിന് ശേഷം ഇന്ത്യയുടെ രണ്ടാം ടി20 ലോകകപ്പ് കിരീടം കൂടിയാണിത്.
മുഖ്യ പരിശീലകന് രാഹുല് ദ്രാവിഡിനും ടി20യില് നിന്നും വിരമിക്കല് പ്രഖ്യാപിച്ച രോഹിത് ശര്മ്മ, വിരാട് കോഹ്ലി, രവീന്ദ്ര ജഡേജ എന്നിവര്ക്കായി ടി20 ലോകകപ്പ് വിജയം സമര്പ്പിക്കുന്നുവെന്ന് ജയ് ഷാ അറിയിച്ചു.
