ഗുവാഹത്തി: ഭാരതത്തിന്റെ ഏകദിന ടീമിലെത്താന് ഇന്ഫോം ബാറ്റര് സഞ്ജു സാംസണ് ഇനിയും കാത്തിരിക്കണം. അഫ്ഗാനിസ്ഥാനെതിരായ ഏകദിന പരമ്പരയ്ക്കുള്ള ഇന്ത്യന് ടീമിനെ ബിസിസിഐ പ്രഖ്യാപിച്ചപ്പോള് അതില് മലയാളി താരം സഞ്ജുവിന് ഇടമില്ല. രണ്ടാം വിക്കറ്റ് കീപ്പറായി ഇഷാന് കിഷനെയാണ് ഉള്പ്പെടുത്തിയിരിക്കുന്നത്. കെ.എല്. രാഹുല് തന്നെയാണ് ടീമിലെ ഒന്നാം നമ്പര് വിക്കറ്റ് കീപ്പര്.
യുവതാരങ്ങള്ക്ക് അവസരമൊരുക്കിയപ്പോള് ജസ്പ്രീത് ബുംറ, മുഹമ്മദ് സിറാജ് എന്നിവര്ക്ക് വിശ്രമം അനുവദിച്ചു. ശുഭ്മാന് ഗില് തന്നെ ഭാരതത്തെ നയിക്കും. വിരാട് കോഹ്്ലിയെയും രോഹിത് ശര്മയെയും ടീമില് ഉള്പ്പെടുത്തിയിട്ടുണ്ട്. ശ്രേയസ് അയ്യരാണ് ഉപനായകന്.
വര്ക്ക് ലോഡ് മാനേജ്മെന്റിന്റെ ഭാഗമായാണ് പേസര്മാരായ ജസ്പ്രീത് ബുംറയ്ക്കും സിറാജിലും വിശ്രമം അുവദിച്ചത്. പകരം യുവ ഫാസ്റ്റ് ബൗളര്മാരായ പ്രിന്സ് യാദവ്, ഗുര്നൂര് ബ്രാര്, സ്പിന്നര് ഹര്ഷ് ദുബെ എന്നിവര്ക്ക് ടീമിലിടം ലഭഇച്ചു. ഹാര്ദിക് പാണ്ഡ്യയും നിതീഷ് കുമാര് റെഡ്ഡിയും ഓള് റൗണ്ടര്മാരായി ടീമില് ഇടംനേടിയിട്ടുണ്ട്. വാഷിംഗ്ടണ് സുന്ദര്, കുല്ദീപ് യാദവ് എന്നിവരാണ് സ്പിന് നിരയെ നയിക്കുക. അര്ഷ്ദീപ് സിംഗ്, പ്രസിദ്ധ് കൃഷ്ണ എന്നിവരും പേസ് നിരയ്ക്കു കരുത്തായുണ്ട്. അതേസമയം, വരാനിരിക്കുന്ന ഭാരതത്തിന്റെ ടി-20 ടീമിനെ സഞ്ജു നയിക്കുമെന്നാണ് വിലയിരുത്തപ്പെടുന്നത്. പ്രസ് റിലീസായാണ് ടീമിനെ പ്രഖ്യാപിച്ചത് ബിസിസിഐ അറിയച്ചത്. അതിനാല് കൂടുതല് കാര്യങ്ങള് സെലക്്ഷന് കമ്മിറ്റിയില്നിന്ന് അറിവായിട്ടില്ല.
ടീം: ശുഭ്മാന് ഗില് (ക്യാപ്റ്റന്), രോഹിത് ശര്മ, വിരാട് കോഹ്ലി , ശ്രേയസ് അയ്യര് (വൈസ് ക്യാപ്റ്റന്), കെ എല് രാഹുല് (വിക്കറ്റ് കീപ്പര്), ഇഷാന് കിഷന് (വിക്കറ്റ് കീപ്പര്), ഹാര്ദിക് പാണ്ഡ്യ , നിതീഷ് കുമാര് റെഡ്ഡി, വാഷിംഗ്ടണ് സുന്ദര്, കുല്ദീപ് യാദവ്, അര്ഷ്ദീപ് സിംഗ്, പ്രസീദ് കൃഷ്ണ, പ്രിന്സ് യാദവ്, ഗുര്ണൂര് ബ്രാര്, ഹര്ഷ് ദുബെ.
