കൊച്ചി : വയനാട് കുറുവ ദ്വീപില് സംസ്ഥാന സര്ക്കാര് നടത്തുന്ന നിര്മാണ പ്രവര്ത്തനങ്ങള്ക്ക് ഹൈക്കോടതിയുടെ സ്റ്റേ. നിര്മ്മാണ പ്രവര്ത്തനങ്ങള്ക്ക് എങ്ങനെ അനുമതി നല്കി എന്നതില് വിശദീകരണം നല്കണമെന്ന് കോടതി സര്ക്കാരിനോട് ആവശ്യപ്പെട്ടു.
ഇക്കോ ടൂറിസം കേന്ദ്രത്തിലെ ജീവനക്കാരന് വെള്ളച്ചാലില് പോളിനെ ആന ചവിട്ടിക്കൊന്നതിനെ തുടര്ന്ന് വയനാട്ടിലെ എക്കോ ടൂറിസം കേന്ദ്രങ്ങള് തത്കാലം അടച്ചിടാന് ഹൈക്കോടതി നിര്ദേശം നല്കിയിരുന്നു. ഇനിയൊരു ഉത്തരവുണ്ടാകും വരെ ഇവിടെ നിര്മ്മാണപ്രവര്ത്തനങ്ങള് വിലക്കി.
ഇക്കോടൂറിസത്തോടനുബന്ധിച്ച് രണ്ട് കോടി രൂപയുടെ നിര്മാണ പ്രവര്ത്തനങ്ങളാണ് കുറുവ ദ്വീപില് നടക്കുന്നത്. ധാരാളം വിനോദസഞ്ചാരികള് എത്തുന്ന സ്ഥലമാണ് കുറുവ ദ്വീപ്.
