പാലക്കാട്: കഞ്ചാവ് കടത്തിയ കാറിനെ പൊലീസ് സാഹസികമായി പിന്തുടര്ന്ന് പിടികൂടി. വടക്കഞ്ചേരി കല്ലിങ്കല് പാടത്ത് വച്ചാണ് അമിത വേഗതയിലെത്തിയ കാറിന് കുറുകെ പൊലീസിന്റെ വാഹനം ഇട്ട് കുടുക്കിയത്.
അമിത വേഗതയിലെത്തിയ കാറിനെ വിവിധയിടങ്ങളില് നാട്ടുകാര് തടഞ്ഞെങ്കിലും വാഹനം നിര്ത്താതെ പായുകയായിരുന്നു. എന്നാല് പൊലീസ് വാഹനം കുറുകെ ഇട്ടതിനെ തുടര്ന്ന് അതില് ഇടിച്ച് കാര് നിര്ത്തി. കാറില് നടത്തിയ പരിശോധനയില് കഞ്ചാവ് പിടികൂടി. കാറിലുണ്ടായിരുന്ന മൂന്നുപേരെ പൊലീസ് കസ്റ്റഡിയിലെടുത്തു.
ഇടിയുടെ ആഘാതത്തില് പൊലീസ് ജീപ്പും കാറും തകര്ന്നിട്ടുണ്ട്. ആലത്തൂര് ഭാഗത്ത് നിന്നും വന്ന കാര് പാടൂര് വഴി കണ്ണമ്പ്ര കല്ലിങ്കല് പാടം റോഡിലൂടെയാണ് അതിവേഗത്തില് പാഞ്ഞത്.നാട്ടുകാര് നല്കിയ വിവരമനുസരിച്ചാണ് വടക്കഞ്ചേരി പൊലീസ് കല്ലിങ്കല് പാടത്ത് വാഹനം കുറുകെ ഇട്ട് തടഞ്ഞത്.
